Արժույթի միջազգային հիմնադրամը բարելավել է ՀՀ ՀՆԱ-ի աճի կանխատեսումը

PanARMENIAN.Net - Արժույթի միջազգային հիմնադրամը ներկայացրել է առաջիկա երկու տարվա համար համաշխարհային տնտեսության զարգացման նորացված կանխատեսումը, որի համաձայն Հայաստանի ՀՆԱ աճի կանխատեսումը բարելավվել է՝ 6% 2024-ի տվյալներով (ակնկալվող 5%-ի դեպքում) և 5․2% 2025-ին։

Այս ցուցանիշն ավելի ցածր է, քան անցյալ տարվա մակարդակը (2023 թվականին՝ 8․7%), բայց միևնույն ժամանակ բարձր է համաշխարհային միջինից։

Դրանից բացի, Համաշխարհային բանկը բարելավել է Հայաստանի տնտեսական աճի կանխատեսումը 2024-ին 4․7%-ից մինչև 5․5%, 2025-ին՝ 4․5%-ից մինչև 4․9%, իսկ 2026-ին ակնկալում է տարեկան 4․5% աճ։

Իսկ 2024 թվականին տարեկան աճի ակնկալվող դանդաղման պատճառներն են ներդրումների աճի դանդաղումը և բացասական զուտ արտահանումը։ 2024, 2025, 2026 թվականներին սպասվում է, որ գնաճը կկազմի համապատասխանաբար 3%, 3․5% և 4%։

Հայաստանում ակնկալվում է ապրանքների և ծառայությունների սպառման արագացում, ինչը, ըստ ԱՄՀ-ի կանխատեսումների, կարող է հանգեցնել գնաճի 2024-ին 3․1%-ի (2023-ի 2%-ից) և 2025-ին 3․7%-ի, եթե իրագործվի։

Եթե գնաճի աճի տեմպերը մոտենան ՀՀ կենտրոնական բանկի 4.0% նպատակային մակարդակին, դա կարող է դրական գործոն հանդիսանալ շուկայի համար։ Երկարատև գնանկման դեպքում մարդիկ կարող են կորցնել ներդրումներ կատարելու և գուցե նույնիսկ սպառման դրդապատճառը:

Նշվում է նաև, որ Հայաստանի պետական պարտատոմսերի նկատմամբ պահանջարկը շարունակում է աճել։