  «Բեռլինալե 2011» կինոփառատոնը բացվեց Կոեն եղբայրների «Հաստատակամություն» ֆիլմով  11 փետրվարի 2011 - 15:59 AMTPanARMENIAN.Net - Փետրվարի 10-20-ը անցկացվելիք «Բեռլինալե 2011» կինոփառատոնի բացումը կայացավ երեկ «Բեռլինալե» պալատի դահլիճում Կոեն եղբայրների «Հաստատակամություն» ֆիլմով: Երեկոն վարում էր դերասանուհի և հաղորդավարուհի Անկե Էնգելկեն, ասվում է փառատոնի պաշտոնական կայքում: Որոշ լուրերի համաձայն` փառատոնի բացմանը պետք է ներկա լիներ նաև երգչուհի և դերասանուհի Մադոննան, սակայն նա այդպես էլ չներկայացավ, հայտնում է rian.ru-ն: 61-րդ անգամ անցկացվող կինոփառատոնին ներկայացված են ավելի քան 400 ֆիլմեր շուրջ 60 երկրներից, այդ թվում առաջին անգամ Հայաստանից: Գլխավոր`«Ոսկե արջ» մրցանակին կարժանանան ներկայացվածներից 16-ը: Հայաստանը նույնպես այս տարի իր մասնակցությունն է բերում փառատոնին` ներկայացնելով «Ռոմանտիկները» նախագիծը (կինոռեժիսոր-սցենարիստներ Արեգ Ազատյանը և Շողիկ Թադևոսյանը), «Ժաննան և ձայները» ֆիլմը (պրոդյուսեր` Արմինե Աբրահամյան, ռեժիսոր` Միքայել Վաթինյան): Կինոփառատոնին կմասնակցի նաև Հ. Պարոնյանի անվան երաժշտական կոմեդիայի պետական թատրոնի դերասան Նարեկ Ներսիսյանը, որը նկարահանվել է ամերիկյան արտադրության «Այստեղ» ֆիլմում: Փառատոնի աշխատանքները կավարտվեն փետրվարի 20-ին: Կինոփառատոնի ժյուրին գլխավորում է հայտնի դերասանուհի և ռեժիսոր Իզաբելլա Ռոսսելինին:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
