Այսօր Հայաստանի եւ Ռուսաստանի նախագահների կողմից ստորագրված «21 դարում ռազմավարական փոխգործության մասին» հռչակագիրը հաստատում է ոչ միայն ռուս-հայկական քաղաքական հարաբերությունների ներկայիս մակարդակը, այլեւ հայ եւ ռուս ժողովուրդների փոխհարաբերությունների բազմադարյան պատմության ընթացքում ձեւավորված կանոններին համապատասխան ապրելու երկու պետությունների ղեկավարների եւ ժողովուրդների ցանկությունը:

«Չեմ կարծում, որ Ռուսաստանը առանձնահատուկ իրավունքներ ունի Ղարաբաղյան հակամարտության կարգավորման գործընթացքում: Մենք հստակ տեսնում ենք այն սահմանները, որոնք չպետք է անցնի Ռուսաստանը ցանկացած, այդ թվում` Ղարաբաղյան հակամարտության կարգավորման գործում»: Ինչպես Մոսկվայից հաղորդում է «ՄԵԴԻԱՄԱՔՍ» գործակալության հատուկ թղթակիցը, այսօր այս մասին հայտարարել է Ռուսաստանի նախագահ Վլադիմիր Պուտինը` Հայաստանի նախագահ Ռոբերտ Քոչարյանի հետ հանդիպումից հետո:

Ռուսաստանը եւ Հայաստանը կկառուցեն «Կովկաս» համայնապատկերային երկաթուղային անցումը, որը հնարավորություն կտա Կրասնոդարի շրջանի «Կովկաս» նավահանգստից Փոթիով ապրանքներ փոխադրել Հայաստան:

Սեպտեմբերի 25-ին ՆԱՏՕ-ի գլխավոր քարտուղար Ջորջ Ռոբերթսոնը պաշտոնական այցով ժամանել է Թբիլիսի:

Այսօր Մոսկվայում Հայաստանի նախագահ Ռոբերտ Քոչայանը հանդիպել է ՌԴ Զինված ուժերի գլխավոր շտաբի պետ Անատոլի Կվաշնինի հետ: Այս մասին Մոսկվայից հաղորդել է «ՄԵԴԻԱՄԱՔՍ» գործակալության հատուկ թղթակիցը:

Ադրբեջանի նախագահ Հեյդար Ալիեւը ողջ եւ առողջ է եւ այսօր պետք է դուրս գրվի Քլիվլենդի հինադանոցից, որտեղ, բժիշկների պահանջով, նա անցնում է բուժման կուրս: