Ինֆորմացիայի աղբյուրը հաղորդել է, որ պատվիրակությունը կղեկավարի մի սպա, որը լիազորված է ինքնուրույն որոշում կայացնել Պենտագոնի անունից:

Լեռնային Ղարաբաղում գտնվող ԱՊՀ երկրների Ինստիտուտի տնօրեն Կոնստանտին Զատուլինը հանդիպել է ԼՂՀ նախագահ Արկադի Ղուկասյանի հետ: Պետության ղեկավարը ռուս քաղաքագետի հետ քննարկել է ղարաբաղյան հակամարտության կարգավորմանը վերաբերող բանակցությունների ընթացքը: Զրուցակիցները անդրադարձել են նաեւ Ղարաբաղի տնտեսության զարգացման հեռանկարներին:

Այդպիսին են հարցման արդյունքները, որը անցկացրել է հայկական սոցիոլոգիական ասոցիացիան 1500 քաղաքացիների շրջանում Հայաստանի տարբեր մարզերում:

Լեռնային Ղարաբաղի Հանրապետության արտաքին գործերի նախարարությունը հանդես է եկել հայտարարությամբ մի շարք ԶԼՄ-ներում հրապարակված ինֆորմացիայի կապակցությամբ, ըստ որի չճանաչված պետությունների արտաքին քաղաքականության գերատեսչությունների ղեկավարների հերթական հանդիպման ժամանակ, որը կկայանա հաջորդ տարվա փետրվարին Սուխումիյում, քննարկվելու է ռազմական դաշինք ստեղծելու մասին հարցը:

ԼՂՀ Բարձրագույն դատարանի որոշման համաձայն Ստեփանակերտի նախկին քաղաքապետ, Լեռնային Ղարաբաղի պաշտպանության նախկին նախարարարի եղբայր Կարեն Բաբայանը, որը մեղադրվում է ծառայողական դիրքը չարաշահելու եւ զենքի ու զինամթերքի անօրինական պահման մեջ, երեկ ազատ է արձակվել:

Հայաստանի կառավարությունը որոշում է ընդունել մոսկովյան «Արարատ» գինու եւ կոնյակի գործարանի պետությանը պատկանող բաժնետոմսերը պարտապաններին փոխանցելու մասին, որոնց գործարանը խոշոր գումար է պարտք:

Ռուսական կենսագրական ինստիտուտի «Տարվա մարդ-2001» ազգային մրցանակի տիտղոսակիր է դարձել Ռուսաստանի հայերի Միության նախագահ Արա Աբրահամյանը:

Ինչպես արդեն հայտնել ենք, վերջին շրջանում արաբական մի շարք թերթերում հրապարակվել են հոդվածներ, որոնցում ներկայացված էին Իսրայելի կողմից Ադրբեջանին ռազմական տեխնիկայի գաղտնի մատակարարումը հաստատող փաստեր: Վերջին նման հրապարակումը տպվել է Բեյրութում լույս տեսնող «Մուարի» շաբաթաթերթում («Թուրքիայի եւ Իսրայելի ռազմավարական միությունը ընդլայնվում է Ադրբեջանի հաշվին»): Սրան նախորդել էր թուրքական մամուլում տարածված այն հայտարարությունը, որ Իսրայելի վարչապետ Արիել Շարոնի Անկարա կատարած այցի ժամանակ քննարկվել է Ադրբեջանին համատեղ ռազմական աջակցություն տրամադրելու հարցը: Այս մասին մասնավորապես գրել էին «Հուրիեթը» եւ «Ռադիկալը»: Թել-Ավիվը եւ Բաքուն շտապեցին հերքել հասարակությանը արդեն հայտնի դարձած սենսացիոն հայտարարությունը: Սակայն հետագա իրադարձությունները միայն հաստատեցին, որ «առանց կրակի ծուխ չի լինում»: