Առայժմ չկան ստույգ տվյալներ երկու ամիս տեւած բանակցությունների արդյունքներից:

ԱՄՆ նախագահ Ջորջ Բուշը դիմել է կոնգրեսի ղեկավարությանը խնդրանքով` դադարեցնել Ջեկսոն-Վենիկի ուղղման գործողության կիրառումը Հայաստանի եւ ԱՊՀ եւս ութ երկրների հանդեպ:

Այսպիսի հայտարարություն է արել «Յենի Ադրբեջան» իշխող կուսակցության գործադիր քարտուղար Ալի Ահմեդովը իշխանամետ կուսակցությունների միության նիստին:

Թուրքիայի վարչապետ Բյուլենտ Էջեւիթը չի հավատում իր ռազմական ուժերի գլխավոր շտաբի պետ Հուսեյն Կիվրիկօղլուն, որը հայտարարել էր, որ Հայաստանը զանգվածային ոչնչացման զենք ունի:

ԱՄՆ կատարած պաշտոնական այցի արդյունքներով Վաշինգտոնում կայացած մամուլի ասուլիսում Թուրքիայի վարչապետ Բյուլենտ Էջեւիթը հայտնել է, որ Անկարան դիվանագիտական հարաբերություններ կհաստատի Հայաստանի հետ միայն ղարաբաղյան հակամարտության կարգավորումից հետո:

Ինչպես արդեն հայտնել ենք, վերջին շրջանում արաբական մի շարք թերթերում հրապարակվել են հոդվածներ, որոնցում ներկայացված էին Իսրայելի կողմից Ադրբեջանին ռազմական տեխնիկայի գաղտնի մատակարարումը հաստատող փաստեր: Վերջին նման հրապարակումը տպվել է Բեյրութում լույս տեսնող «Մուարի» շաբաթաթերթում («Թուրքիայի եւ Իսրայելի ռազմավարական միությունը ընդլայնվում է Ադրբեջանի հաշվին»): Սրան նախորդել էր թուրքական մամուլում տարածված այն հայտարարությունը, որ Իսրայելի վարչապետ Արիել Շարոնի Անկարա կատարած այցի ժամանակ քննարկվել է Ադրբեջանին համատեղ ռազմական աջակցություն տրամադրելու հարցը: Այս մասին մասնավորապես գրել էին «Հուրիեթը» եւ «Ռադիկալը»: Թել-Ավիվը եւ Բաքուն շտապեցին հերքել հասարակությանը արդեն հայտնի դարձած սենսացիոն հայտարարությունը: Սակայն հետագա իրադարձությունները միայն հաստատեցին, որ «առանց կրակի ծուխ չի լինում»: