Թուրքիայի Ազգային անվտանգության խորհուրդը այդ դիմումները գնահատել որպես, Անկարայում ահաբեկչական կազմակերպություն համարվող, Քրդական բանվորական կուսակցության կողմից կազմակերպված սադրանք:

Մարտին Հայաստանի արտաքին գործերի նախարար Վարդան Օսկանյանը կմեկնի Մինսկ` նախագահ Ռոբերտ Քոչարյանի Բելոռուս կատարելիք պաշտոնական այցի նախապատրաստման համար:

Գործադիր կոմիտեի նիստին նախատեսվում է քննարկել Իրան-Հայաստան գազամուղի շինարարության նախագծի իրականացման աշխատանքների ընթացքը:

Այցի ընթացքում նախատեսվում է քննարկել երկկողմ համագործակցության խորացմանը, ինչպես նաեւ տարածաշրջանային խնդիրներին առնչվող հարցեր:

Վաշինգտոնում Ադրբեջանի դեսպան Հաֆիզ Փաշաեւը դիմել է ռուսաստանյան «ԻՏԱՐ-ՏԱՍՍ» գործակալության գլխավոր տնօրեն Վիտալի Իգնատենկոյին բողոքով` Նյու Յորքում կայացած Հեյդար Ալիեւի եւ Ռուսաստանի հայերի միության նախագահ Արա Աբրահամյանի հանդիպման տեղեկատվության բովանդակության կապակցությամբ:

Մեկնաբանելով վաշինգտոնյան վարչակազմի նախաձեռնությունը` 2002 թվականին Հայաստանին ամերիկյան օգնության ծավալի կրճատման մասին, Երեւանում ԱՄՆ դեսպան Ջոն Օրդուեյը հայտնել է, որ Սպիտակ տան կողմից ներկայացված օրինագիծը նախատեսում է համարյա բոլոր նորաստեղծ անկախ պետություններին հատկացվող օգնության կրճատում:

Մարտին նախատեսված Հայաստանի պաշտպանության նախարար Սերժ Սարգսյանի Վաշինգտոն կատարելիք այցի ընթացքում ենթադրվում է հայ-ամերիկյան 2002 թվականի երկկողմ ռազմական համագործակցության ծրագրի ստորագրում:

Այսօր Երեւանում կայացել է հանդիպում` Հայաստանի Ազգային ժողովի նախագահ Արմեն Խաչատրյանի եւ Ֆրանսիայի Սենատի անդամ Ժան Նոէլի միջեւ, որը նաեւ գլխավորում է Բուժ դյու Ռոն շրջանի գլխավոր խորհուրդը:

«Իրանը պատրաստ է դիմակայել իր անկախության եւ Իսլամական հեղափոխության ձեռքբերումների դեմ ցանկացած ոտնձգություն», հայտնել է երկրի արտաքին գործերի նախարար Քամալ Հարրազին:

Ինչպես եւ 1973 թվականին, թիմը կմարզի Նիկիտա Սիմոնյանը, որի օգնականը կդառնա մոլի ֆուտբոլասեր, ԽՍՀՄ ժողովրդական դերասան Արմեն Ջիգարխանյանը: