Տնտեսական հարցերով Եվրոպական դատարանը մերժել է, հայկական «ՍՊՍ Սիգարոն» ֆիմայի դեմ, աշխարհահռչակ «Դավիդոֆֆ» սիգարետ արտադրող գերմանա- շվեյցարական «Ռեմսթմա» ընկերության հայցը:

Հայաստանի Հանրային հեռուստատեսությանը տված հարցազրույցում «ԱրմենՏել» ընկերության գործադիր տնօրեն Նիկոս Գեորգուլասը խոստացավ` երեք տարվա ընթացքում կրճատել բջջային կապի սակագները մինչեւ 11 ցենտ` մեկ րոպեի համար:

Աֆղանստանում ծավալված հակաահաբեկչական գործողությունների ընթացքում ֆեդերալ ուժերին գերի են ընկել երկու ադրբեջանցի:

Վերջին ժամանակներս Ադրբեջանում աճել է ղարաբաղյան հակամարտության լուծմանն ուղղված բոլոր տեսակի մասնավոր եւ հասարակական նախաձեռնությունների հանդեպ հետաքրքրությունը: Ինչպես երեւում է, Ադրբեջանի ոչպետական կազմակերպությունների ղեկավարները բառացիորեն են ընդունել միջազգային հաշտարարների հայտարարություններն այն մասին, որ ղարաբաղյան հիմնախնդրի լուծումը հակամարտող երկրների մայրաքաղաքներում պետք է գտնվի: Բաքվի հասարակական գործիչները գործի են անցել մշակելու եւ իրենց հանրության քննարկմանը ներկայացնելու ոչ մեկի հետ չհամաձայնեցված կարգավորման մեխանիզմներ: Պետական այրերը, որոնք ի պաշտոնե պետք է զբաղվեն ղարաբաղյան հիմնահարցով, տարակուսանքով են հետեւում նման տարօրինակ գործընթացին, սակայն նախընտրում են չմիջամտել: Մինչդեռ տեղերում նախաձեռնությունն առավել ակտիվանում է: