Քաղաքական ուժերի ներկայացուցիչները նշել են, որ հողերը ազտագրվել են հայ ժողովրդի արյան գնով եւ ղարաբաղյան հարցի վերջնական լուծումը կախված կլինի ժողովրդի կամքի արտահայտության հետ:

Մայրաքաղաքի Դավթաշեն թաղամասում ծառատունկ կկազմակերպի ՄԱԿ-ի հայկական ներկայացուցչությունը եւ մայրաքաղաքի քաղաքապետարանը:

Նախատեսված են ՍՏՀ Խորհրդարանական Վեհաժողովի Գլխավոր քարտուղար Ջորջ Պետրիկույի հանդիպումները Հայաստանի ղեկավարության հետ:

Դիվանագետի խոսքերով, փարիզյան եւ քի-վեսթյան սկզբունքները կազմում են բանակցությունների կարեւոր հիմքը:

ԱՀՀ-ի երեւանյան գրասենյակից ստացված տեղեկությունների համաձայն, դրան նպաստել է հանձնաժողովի թուրք ներկայացուցիչների ոչ կառուցողական դիրքորոշումը եւ Թուրքիայի ղեկավարության անգործությունը:

Երուսաղեմի «Հոլոքոսթի եւ ցեղասպանության ինստիտուտի» տնօրեն, «Ցեղասպանության հանրագիտարանի» գլխավոր խմբագիր, պրոֆեսոր Իսրայել Չարնին նամակ է հղել Իսրայելի արտգործնախարար Շիմոն Պերեսին եւ Հայաստանում Իսրայելի դեսպան Ռիվկա Կոհենին, որտեղ իր մտահոգությունն է արտահայտում Հայոց ցեղասպանությունը ժխտելու նրանց դիրքորոշման վերաբերյալ:

«Մենք հավանություն ենք տալիս բանաձեւում ներկայացված առաջարկին երեք կովկասյան պետությունների եւ ԵԽ միջեւ կոնֆերանս անցկացնելու վերաբերյալ` տարածաշրջանային համագործակցության ռազմավարության մշակման նպատակով»,- ընդգծել է Օսկանյանը:

Համանախագահների այցի առաջին կետը Բաքուն է, որտեղից նրանք կմեկնեն Ստեփանակերտ, իսկ հետո կժամանեն Երեւան:

Վերջին ժամանակներս Ադրբեջանում աճել է ղարաբաղյան հակամարտության լուծմանն ուղղված բոլոր տեսակի մասնավոր եւ հասարակական նախաձեռնությունների հանդեպ հետաքրքրությունը: Ինչպես երեւում է, Ադրբեջանի ոչպետական կազմակերպությունների ղեկավարները բառացիորեն են ընդունել միջազգային հաշտարարների հայտարարություններն այն մասին, որ ղարաբաղյան հիմնախնդրի լուծումը հակամարտող երկրների մայրաքաղաքներում պետք է գտնվի: Բաքվի հասարակական գործիչները գործի են անցել մշակելու եւ իրենց հանրության քննարկմանը ներկայացնելու ոչ մեկի հետ չհամաձայնեցված կարգավորման մեխանիզմներ: Պետական այրերը, որոնք ի պաշտոնե պետք է զբաղվեն ղարաբաղյան հիմնահարցով, տարակուսանքով են հետեւում նման տարօրինակ գործընթացին, սակայն նախընտրում են չմիջամտել: Մինչդեռ տեղերում նախաձեռնությունն առավել ակտիվանում է: