Իր ընտրությունը նա բացատրում է հետույալ կերպ. «Դա շատ թեթեւ ծխախոտ է, ըստ այնմ, յուրաքանչյուր ծխագլանակ դրված է յուրօրինակ մուշտուկի մեջ, եւ տուփի դիզայնը ոչնչով չի զիջում թանկարժեք արտասահմանյան տուփերին»:

Շարունակվում է Ռուսաստանի Ազգային անվտանգության խորհրդի քարտուղար Վլադիմիր Ռուշայլոյի այցը Հայաստան:

Հայաստանի նախագահ Ռոբերտ Քոչարյանը հանդիպել է Ամենայն Հայոց Կաթողիկոս Գարեգին Երկրորդի եւ «Հայաստան-Սփյուռք» երկրորդ համաժողովի աշխատանքներին մասնակցելու համար Երեւան ժամանած Մեծի Տան Կիլիկիո Կաթողիկոս Արամ Առաջինի հետ:

Ադրբեջանցիներն առանձնահատուկ անբարյացկամություն են տածում Սահակաշվիլու հանդեպ, որի հայկական ծագումը նրանց անհանգստացնում է, քանզի հայտնի է, որ այդ քաղաքական գործիչը վստահորեն հավակնում է նախագահի աթոռին:

Աշխաբադում նախատեսված է անցկացնել Հայաստանի, Իրանի եւ Թուրքմենստանի փորձագետների հանդիպումը, որոնք կքննարկեն Իրան-Հայաստան գազամուղի շինարարությանն առնչվող հարցեր:

Լեռնային Ղարաբաղի Հանրապետության նախագահ Արկադի Ղուկասյանն արժանացել է Ժողովուրդների հոգեւոր միասնության միջազգային ակադեմիայի ակադեմիկի կոչմանը:

Բաքվում սկսվել է «Հիզբութ-Թահրիր» միջազգային ահաբեկչական կազմակերպության ադրբեջանական թեւի անդամների գործով դատավարությունը: Հիշեցնենք, որ Ադրբեջանի վեց քաղաքացիներ մեղադրվում են իշխանությունը բռնի ոժով զավթելու փորձի եւ հրազենի կիրառմամբ ահաբեկչական գործողություններ նախապատրաստելու մեջ: Ինչպես հաղորդում է Բաքվի «Թուրան» լրատվական գործակալությունը նրանց մասնավորապես մեղադրում են Բաքվում ԱՄՆ դեսպանատան եւ միջազգային կազմակերպությունների ներկայացուցիչների դեմ ահաբեկչական գործողություններ կազմակերպելու մեջ: Հետաքննության արդյունքների համաձայն խմբավորման անդամները, որի կենտրոնը գտնվում է Պաղեստինում, կրոնական քարոզչության քողի տակ նպատակադրվել էին հասնել Ադրբեջանի ներկա պետական կարգի փոփոխմանը եւ ստեղծել իսլամական պետություն: