![](https://static.pn.am/images/l_art1_arm.gif)
18 հունիսի 2002 - 05:00 AMT
![](https://static.pn.am/images/sep_circle.gif)
17:33 GMT
Վերջերս Ալմաթիում տեղի ունեցավ առաջին Եվրասիական մեդիա ֆորումը, որի աշխատանքներին մասնակցում էր մայրցամաքի չորս տասնյակ երկրների զանգվածային լրատվամիջոցների եւ լրագրողական ընկերությունների ավելի քան երկու հարյուր ներկայացուցիչ: Իր ծավալներով նախադեպը չունեցող այդ միջոցառման կազմակերպման նախաձեռնողը «Խաբար» լրատվական գործակալության տնօրենների խորհրդի նախագահ, Ղազախստանի նախագահի դուստր Դարիգա Նազարբաեւան էր: Նա գլխավորում էր եվրասիական մեդիա ֆորումի անցկացման կազմկոմիտեն եւ նույնանուն միջազգային հիմնադրամը: Սակայն հենց իր` Նազարբաեւայի խոսքերով, նրան հազիվ թե հաջողվեր ստեղծել նման գործունյա կառույց եւ այդպիսի բարձր մակարդակով անցկացնել ֆորումը, եթե իր նախաձեռնության իրականացմանը մասնակցություն չունենային երկու հայ` Հայստանի նախկին վարչապետ Արմեն Սարգսյանը, որն այժմ գլխավորում է Քեմբրիջի համալսարնին կից գործող «Եվրասիա» կենտրոնը, եւ լրագրողական միությունների միջազգային համադաշնության գլխավոր քարտուղար Աշոտ Ջազոյանը: