Կոմիտեն կոչ է արել Թուրքիային վերացնել Հայաստանի շրջափակումը եւ ուսումնասիրել թուրքական Ղարս եւ հայկական Գյումրի քաղաքների միջեւ երկաթուղային կապի հաստատման հնարավորությունը:

Այդ մասին հայտարարել է ՀՀ նախագահ Ռոբերտ Քոչարյանը Լյուքսեմբուրգի արտաքին գործերի նախարար, Եվրոպայի Խորհրդի Նախարարների կոմիտեի նախագահ Լիդի Պոլֆերի հետ հանդիպման ժամանակ:

Փաստաթղթի ստորագրմանը նախորդող հանդիպման ընթացքում Իտալիայի փոխարտգործնախարար Մարգերիտա Բոնիվերին եւ ՀՀ ԱԳՆ ղեկավար Վարդան Օսկանյանը քննարկել են երկկողմ տնտեսական եւ մշակութային համագործակցությունն ընդլայնելու հարցեր, ինչպես նաեւ անհրաժեշտ իրավապայմանագրային դաշտը ամբողջացնելու հնարավորությունները:

Անդրադառնալով երկկողմ հարաբերություններին` Բոնիվերին նշել է Հայաստանի նկատմամբ Իտալիայի ջերմ վերաբերմունքը եւ Հայաստանին օգտակար լինելու պատրաստակամությունը:

Մինչ Ադրբեջանում քաղբանտարկյալների հիմնախնդրի վերջնական լուծումը ԵԽ անկախ փորձագետները եւ ղեկավարությունը չեն կարող բավարարված լինել այդ ոլորտում առկա իրավիճակով, նշել է Վալթեր Շվիմերը:

Համաժողովին մասնակցում են Վրաստանի Ուղղափառ եկեղեցու, Կովկասի մահմեդականների վարչության, Հայ Առաքելական Եկեղեցու, Ռուս Ուղղափառ եկեղեցու, Կովկասի հուդայական համայնքի, Կովկասի Կաթոլիկ եկեղեցու, ինչպես նաեւ միջազգային կազմակերպությունների ներկայացուցիչներ:

Բոսնիայի եւ Հերցոգովինայի Գերագույն կոմիսարիատի մարդու իրավունքների կոմիտեի ղեկավար Քրիստոֆեր Հարլանդը նշել է, որ հենց այդ կերպ կարելի է պատասխանատվության ենթարկել Թուրքիային, որպես ցեղասպանություն իրականացրած պետության:

Լեռնային Ղարաբաղի հանրապետության նախագահի պաշտոնի թեկնածուների ցուցակը հաստատվել է: Նախընտրական արշավին է ներգրավվել չորս թեկնածու` պետության գործող ղեկավար Արկադի Ղուկասյանը, երկրի Ազգային ժողովի նախկին նախագահ Արթուր Թովմասյանը, Քրիստոնեա-դեմոկրատական կուսակցության առաջնորդ Ալբերտ Ղազարյանը եւ «Միասնություն» շարժման ղեկավար Գրիգոր Աֆանասյանը: Հատկանշական է այն, որ թեկնածուներից մեկն հաղթելու առավել մեծ հավանականություն ունի մյուսներից: Սակայն նախընտրական արշավի մասնակիցների կազմը եւ հայեցակարգերը կասկած չեն հարուցում, որ օգոստոսի 12-ին Ղարաբաղում ոչ թե ձեւական միջոցառում կընթանա, այլ` երկրի ամենաազդեցիկ քաղաքական ուժերի լուրջ հակամարտություն: