Մոսկվան պետք է մտածի Բաթումիից եւ Ախալքալակից ռուսաստանյան ռազմական բազաների դուրսբերման, այլ ոչ թե Վրաստանի տարածք լրացուցիչ ռուսական զինվորական ստորաբաժանումներ մտցնելու մասին, հայտարարել է Վրաստանի ԱԳՆ հասարակության հետ կապերի դեպարտամենտի տնօրեն Կախա Սիխարուլիձեն:

Ուելսի Ազգային Ժողովը Միացյալ Թագավորության առաջին օրենսդիր մարմինն է, որն արտահայտել է իր վերաբերմունքը Հայոց ցեղասպանության հանդեպ:

Լեռնային Ղարաբաղի հակամարտության կողմերի մոտեցումներին անմիջականորեն ծանոթանալու համար Երեւանում է գտնվում ԵԱՀԿ ՄԻնսկի խմբում Ֆրանսիայի նոր ներկայացուցիչ Անրի Ժակոլենին, որն այդ պաշտոնում փոխարինում է Յուգ Պեռնեին:

Մահապատժին կողմ են արտահայտվել 37,7 տոկոսը եւ 21,8 տոկոսը` դժվարացել են պատասխանել:

Նշենք, որ նոյեմբերի 1-ից Սեւծովյան տնտեսական համագործակցության կազմակերպությունում նախագահում է Հայաստանը` կես տարի ժամկետով:

Հայաստանի պատվիրակության ղեկավար նախագահ Ռոբերտ Քոչարյանը հանդես կգա գագաթնաժողովում, ինչպես նաեւ կանցկացնի մի շարք երկկողմ հանդիպումներ:

Թուրքիայի վարչապետ Բյուլենթ Էջեւիթի վերջերս արված հայտարարությունը խիստ աղմկահարույց էր: Կառավարության ղեկավարը, որը նաեւ իշխող կոալիցիայում առաջատար ձախ դեմոկրատական կուսակցության ղեկավարն է, հավաստեց, որ եթե իր կուսակցությունը հաջողության հասնի առաջիկա խորհրդարանական ընտրություններում, ապա Երեւանի հետ տնտեսական հարաբերությունների հաստատումը լիովին իրական կդառնա: Ինչպես հաղորդում է«Անադոլու» գործակալությունը, Էջեւիթն ասել է, որ իր կուսակցությունը բոլոր հնարավոր միջոցները կձեռնարկի բացելու համար Հայաստանի հետ սահմանները: Հատկանշական է, որ այս խոսքերը նա կրկնել է մի քանի անգամ Հայաստանին սահմանամերձ շրջաններում նախընտրական ելույթների ընթացքում: