Այսօր Երեւանում հաջողությամբ ավարտվել են նաեւ 40 միլիոն դոլարի չափով SAC-5 վարկի տրամադրման վերաբերյալ բանակցությունները, որոնց արդյուքները պետք է հաստատվեն Համաշխարհային Բանկի Տնօրենների Խորհրդի կողմից:

Ռուսական «Լիցա» («Դեմքեր») հեղինակավոր վարկանիշային ամսագիրը 2002 թ. Ռուսաստանի ամենաազդեցիկ քաղաքական գործիչների թվում ընդգրկել է նաեւ Ռուսաստանի աշխատավորների ինքնակառավարման կուսակցության նախագահ, «Ռոսիա» շարժման քաղխորհրդի նախագահի առաջին տեղակալ Լեւոն Չախմախչյանին:

«Համաձայնություն» վրացական երիտասարդական շարժման նախագահի խոսքերով, «միավորված ժողովրդավարների» առաջնորդը ակտիվորեն համագործակցում է Ջավախքում գործող «Վիրք» եւ «Ջավախք» հայկական կազմակերպությունների ղեկավարների հետ, որոնց, առաջիկա խորհրդարանական ընտրություններում իր հաղթանակի դեպքում, խոստացել է ստեղծել հայկական ինքնավարություն Վրաստանում:

Անդրկովկասում ռուսական զորախմբի շտաբի բաժնի պետ գնդապետ Վլադիմիր Քուպարաձեի խոսքերով, Հայաստան են տեղափոխվել կապի առանձին գումարտակ, կապի միջոցների վերանորոգման արհեստանոց եւ ֆելդեգերային փոստային կապի հանգույց` ընդհանուր առմամբ մինչեւ 100 միավոր տեխնիկա:

Միաժամանակ, Ադրբեջանում Մեծ Բրիտանիայի դեսպան Էնդրյու Թաքերը հայտարարել է, որ հակամարտող կողմերը պետք է իրենք գան համաձայնության:

Վրաստանի Սամցխե-Ջավախքի շրջանում գործող «Վիրք» կուսակցությունը վստահ է, որ իրեն չգրանցելու հիմնական պատճառը` իշխանութունների մտավախությունն է 2003 թ. խորհրդարանական ընտրություններում այդ տարածաշրջանի ընտրողների ձայներից զրկվելը:

Հայաստանի կառավարությունը որոշել է միանալ «կոնֆլիկտային» ադամանդների ապօրինի շրջանառությունը բացառող, այսպես կոչված «Քիմբերլիի գործընթացին»:

Վրաստանի պետական գրասենյակի միջազգային հարաբերությունների ծառայության ղեկավար Շալվա Պիչխաձեի խոսքերով, Հյուսիսատլանտյան դաշինքը պետք է չափազանց շահագրգռված լինի Կասպիի էներգապաշրներին հասու լինելում, ինչի առումով նրա շահերից է բխում Վրաստանի եւ Ադրբեջանի ընդգրկունը իր շարքերում:

Մինչ օրս Բաքվում օրինականորեն գործում է «Ալ Քաիդա» միջազգային ահաբեկչական ցանցի մասը համարվող կազմակերպության ճյուղավորումը: Խոսքը գնում է «Միջազգային Բարեգործական հիմնադրամ» (Benevolence International foundation) անվամբ հայտնի կառույցի մասին: Օրերս բավականին հետաքրքրական մանրամասներ են պարզվել Ադրբեջանում այդ կազմակերպության գործունեության մասին: