Ընտրություններին մասնակցել է 1 583 107 ընտրող, որոնցից 1 037 031-ը իրենց ձայները տվել են Ռոբերտ Քոչարյանին, իսկ 499 288 մարդ` Ստեփան Դեմիրճյանին:

ԿԸՀ քարտուղար Աննա Ալեքսանյանի խոսքերով` երեւանում քվեարկել է ընտրողների 59,1%-ը:

Մայրաքաղաքի Էրեբունի համայնքում միջադեպ է տեղի ունեցել երկու հարազատների միջեւ, որոնցից մեկը փորձել է գաղտնաբար նայել, թե ում օգտին է քվեարկում մյուսը:

Ս. Սարգսյանը պարզաբանել է, որ ԼՂՀ-ում պայմանագրային հիմունքներով ծառայողները տեղափոխվել են Գորիս` Հայաստանի նախագահի ընտրություններին մասնակցելու համար` Լեռնային Ղարաբաղում ընտրատեղամասերի բացակայության պատճառով:

Այս մասին հայտնել է թեկնածուի նախընտրական շտաբի ներկայացուցիչ Վահագն Մկրտչյանը:

Ընդդիմության կողմից նախագահի թեկնածու Ստեփան Դեմիրճյանի լիազորված անձ նշել է, որ հիմնականում, խախտվում են իրենց թեկնածուի լիազորված անձանց եւ ընտրական հանձնաժողովի անդամների իրավունքները:

Նախագահի թեկնածու Ստեփան Դեմիրճյանն ընտրություններից միայն երկու օր առաջ հաստատեց երկրորդ փուլին մասնակցելու պատրաստակամության մասին: Ժողովրդական կուսակցության առաջնորդը հաշվի չառավ իր կողմնակիցների արմատական մասի կարծիքները, որոնք պնդում էին, թե իշխանության փոփոխությանն անհնար է հասնել օրինական ճանապարհով: Դեմիրճյանը ինքնաբացարկ չհայտարարեց եւ գնաց մինչեւ վերջ` հավատալով իր ուժերին եւ օրենքի հաղթանակմանը: