Քաղաքականություն. ԱԴՐԲԵՋԱՆՑԻ ԿԻԲԵՐ-ՀԱՆՑԱԳՈՐԾՆԵՐԸ ԹԱԼԱՆՈւՄ ԵՆ ԱՄԵՐԻԿԱՑԻՆԵՐԻՆՊաշտոնական Բաքուն ոչինչ չի ձեռնարկում կրեդիտ քարտերի ջարդմամբ զբաղվող հաքերների գործունեությունը կասեցնելու ուղղությամբ: 16 հուլիսի 2003 «Նյու-Յորք Թայմս» թերթի տվյալներով, ՀՖԲ-ն (Հետաքննական ֆեդերալ բյուրոն) սկսել է հետաքննել ԱՄՆ-ի քաղաքացիների կրեդիտ քարտերը ադրբեջանցի հաքերների կողմից գողանալուն առնչվող գործը: Հայտնի է, որ Ադրբեջանում գործող կիբեր-հանցագործները գնորդներ էին գտնում չաթերի միջոցով: Փոքր գումարի դիմաց հաքերները տրամադրում էին իրենց կողմից գողացված քարտերի համարները: Սայթերը, որտեղ գործում էին նրանք, նույնպես ադրբեջանական էին: Դրանք տեղադրված են Բաքվում գրանցված սերվերների վրա: Հետաքննական ֆեդերալ բյուրոյի մամլո-քարտուղար Բիլ Մարրին օրերս հաստատել է, որ իր գերատեսչությունը «ներկայումս իրականացնում է մի քանի գաղտնի օպերացիաներ` ուղղված IRC-չաթերի միջոցով իրականացվող կրեդիտների գողացմամբ զբաղվող խուլիգաններին հայտնաբերելուն եւ վնասազերծելուն»: Ինչպես նշում է «Նյու-Յորք Թայմսը», միայն անցյալ տարում հաքերներն ամերիկացիներից գողացել են ավելի քան 850 միլիոն դոլար: Հայտնի չէ, թե այդ գումարի որ մասն է գողացված ադրբեջանցի հաքերների կողմից:  |
Արխիվ
