Հայաստանի Ազգային Ժողովի նախկին խոսնակ Արմեն Խաչատրյանը մոտ ապագայում կնշանակվի Հայաստանի դեսպան Ուկրաինայում:

Երկօրյա համաժողովի աշխատանքներին մասնակցելու նպատակով վաղը Մոսկվա կմեկնի Հայաստանի նախագահ Ռոբերտ Քոչարյանը:

Ադրբեջանի ԶԼՄ-ները հակասական տեղեկատվություն են տարածում Հեյդար Ալիեւի առողջական վիճակի մասին:

Դեկտեմբերի սկզբին Մաասթրիխտում կայանալիք ԵԱՀԿ անդամ-երկրների Արտգործնախարարների խորհրդի նիստի ընթացքում կքննարկվի նաեւ Լեռնային Ղարաբաղի հակամարտության կարգավորման հարցը:

Ադրբեջանում առկա նախընտրական իրավիճակն այնպիսին է, որ այդ հարցը արժանի է արտահերթ քննարկման Եվրախորհրդում, հայտարարել է հայտնի իրավապաշտպան, ԵԽ Խորհրդարանական վեհաժողովում Ռուսաստանի պատվիրակության անդամ Սերգեյ Կովալյովը:

Ադրբեջանի նախագահի պաշտոնին հավակնողների շրջանը շարունակվում է սեղմվել: Նախընտրական արշավի առաջնորդն առայժմ Իլհամ Ալիեւն է: Միասնական ֆրոնտ ձեւավորելու եւ իշխող կլանի թեկնածուի դեմ իրական այլընտրանք ներկայացնելու ընդդիմության փորձերն առայժմ բավականաչափ հաջող չեն: Ալիեւ-կրտսերի մրցակիցը դառնալու իրավունքը վիճարկում են հինգ ընդդիմադիրներ: Նախագահի պաշտոնին յուրաքանչյուր հավակնորդ փորձում է ընտրողների ուշադրությունը սեւեռել իր նախընտրական ծրագրի որոշակի ուղղության վրա: Սակայն գրեթե բոլոր թեկնածուներն էլ առաջին պլան են մղում ղարաբաղյան հակամարտության լուծմանն առնչվող խոստումները: