Քչերն են կասկածում, որ Ադրբեջանի նախագահական ընտրություններից հետո երկրի ղեկավարը կդառնա Իլհամ Ալիեւը: Դժվար թե ինչ-որ բան խանգարի իշխանության փոխանցման նեոմիապետական սցենարի իրականացմանը: Բաքվի իշխանավորները չեն պատրաստվում հաշվի առնել ոչ ընդդիմության զանգվածային ելույթները, եւ ոչ էլ համաշխարհային հանրության զարմանքը` կապված ընտրությունների ոչ ժողովրդավարական միջավայրի հետ: Օրեցօր աճում է այն մարդկանց թիվը, որոնք պատրաստ են Ադրբեջանում կատարվածն անվանել իր անունով` «Արեւելյան բռնապետություն»: Ադրբեջանում ձեւավորված վարչակարգն այսպես է բնութագրել ռուս իրավապաշտպան, Պետդումայի պատգամավոր, Եվրոպայի Խորհրդի Խորհրդարանական Վեհաժողովում Ռուսաստանի պատվիրակության անդամ Սերգեյ Կովալյովը: