ԱՄՆ պետքարտուղարի առաջին տեղակալ Ռիչարդ Արմիթեջը հեռախոսով շնորհավորել է Իլհամ Ալիեւին Ադրբեջանի նախագահի պաշտոնում ընտրվելու կապակցությամբ:

Հայաստանի նախագահը ցավակցություն է հղել երկրի նախկին ղեկավարին նրա մոր` Ազատուհի Տեր-Պետրոսյանի մահվան կապակցությամբ:

Ադրբեջանի չորս ընդդիամդիր կուսակցություններ հոկտեմբերի 22-ին մտադիր են համատեղ հանրահավաք-երթ կազմակերպել Բաքվում:

Թուրքիայի խորհրդարանի նախկին նախագահ Սաբիթ Օսման Ավջն անհրաժեշտ է համարում է Թուրքիայի եւ Հայաստանի միջեւ հարաբերությունների անհապաղ կարգավորումը:

Ակնկալվում է, որ այցի ընթացքում նրանք կողմերին կներկայացնեն Լեռնային Ղարաբաղի հակամարտության կարգավորման նոր առաջարկները:

Ֆրանսիայի նախագահ Ժակ Շիրակը հաստատել է Փարիզի պատրաստակամությունը շարունակել ջանքերը Լեռնային Ղարաբաղի հակամարտության լուծման ուղղությամբ:

«Էրթոբա» քաղաքական միավորման ներկայացուցիչ Թամազ Գոբեջիշվիլու կարծիքով, «Թուրքիային սահմանակից Վրաստանի շրջաններում վերաբնակվելու մեսխեթցի-թուրքերի պահանջը մտածելու տեղիք պետք է տա»:

Յաափ դե Հուփ Շեֆֆերի այցը Հարավային Կովկաս կկայանա հոկտեմբերի 21-23-ը:

Ադրբեջանի նորընտիր նախագահի անունն արդեն հայտնի է: Ընտրական հանձնաժողովի հրապարակած թվերը, ինչպես եւ սպասելի էր, վկայում են Իլհամ Ալիեւի համոզիչ հաղթանակի մասին: Սա իհարկե չի նշանակում, թե Ալիեւ-կրտսերն իրոք հավաքել է ձայների մեծամասնությունը: Տվյալ դեպքում ամենեւին կարեւոր չէ, թե ինչպես է իրականում քվեարկել ընտրողը: Կարեւորն այն է, որ մեծ տերությունները «հավանություն են տվել» իշխանության ինքնավերարտադրությանը: Կարծես թե, եւ Արեւմուտքին, եւ Ռուսաստանին, եւ տարածաշրջանի երկրներին ձեռնտու է, որ իշխանության ղեկը մնա այժմյան ղեկավար կլանի ձեռքում: Ի հավելումն սրա, անհրաժեշտ է նշել, որ թե Երեւանը, եւ թե Ստեփանակերտը սկզբունքորեն հետաքրքրված են նրանում, որ Ադրբեջանում նեոմենատիրական սցենարն անցնի առանց ավելորդ էքսցեզների: