Հայաստանի կառավարող քաղաքական կոալիցիայի համակրգող խորհուրդը չի քննարկել ջրի, գազի եւ էլեկտրաէներգիայի սակագների բարձրացման հնարավորության հարցը, հետեւաբար 2004 թվականի հունվարից սակագների բարձրացում չի սպասվում, հայտարարել է Արթուր Բաղդասարյանը:

Հարավային Կովկասում Եվրոպական Միության հատուկ ներկայացուցիչ Հեյկի Տալվիտիեն Երեւանում հանդիպել է Լեռնային Ղարաբաղի Հանրապետության նախագահ Արկադի Ղուկասյանի հետ:

«Լրահաղորդներ առանց սահմանների» միջազգային իրավապաշտպան կազմակերպության կողմից կազմված վարկանիշն ընդգրկում է աշխարհի 166 երկիր:

Այցը նպատակաուղղված է եվրոպական առանձին տարածաշրջանների հետ Հայաստանի արտաքին քաղաքականության ակտիվացման շրջանակներում այդ երկրների հետ հարաբերությունների խորացմանը, հաշվի առնելով, որ 2004 թ. Սլովենիան կդառնա Եվրամիության անդամ, իսկ Խորվաթիան ներկայացրել է ԵՄ անդամակցության դիմումը:

Պահպանողական ռավինների միջազգային միությունը միացել է Ցեղասպանության վերաբերյալ կոնվենցիային ԱՄՆ միավորման 15-ամյակին նվիրված Կոնգրեսի բանաձեւին աջակցող խմբին:

Եվրոպայի Խորհրդի Խորհրդարանական Վեհաժողովի նախագահ Պիտեր Շիդերի խոսքերով` նոյեմբերի սկզբին ԵԽԽՎ Բյուրոն կքննարկի Ադրբեջանի ընտրությունների շուրջ իր դիտորդական առաքելության զեկույցը եւ համապատասխան որոշում կընդունի:

Բուլղարիայի Պլովդիվ քաղաքում ավարտված շախմատի Եվրոպայի թիմային առաջնությունում Հայաստանի կանանց հավաքականը արժանացել է ոսկե մեդալների:

Այդ ուղղությամբ արվել է միայն ամենաքիչը, ասել է Վարդան Օսկանյանը` ելույթ ունենալով այսօր Երեւանում բացված «Հայաստանը դեպի Եվրոպա ճանապարհին» միջազգային գիտաժողովում:

Հայաստանը շարունակում է բավականին կայուն երկիր մնալ անհանգիստ տարածաշրջանային միջավայրում, - ասել է Յաապ դե Հուփ Շեֆֆերը:

Ադրբեջանի նորընտիր նախագահի անունն արդեն հայտնի է: Ընտրական հանձնաժողովի հրապարակած թվերը, ինչպես եւ սպասելի էր, վկայում են Իլհամ Ալիեւի համոզիչ հաղթանակի մասին: Սա իհարկե չի նշանակում, թե Ալիեւ-կրտսերն իրոք հավաքել է ձայների մեծամասնությունը: Տվյալ դեպքում ամենեւին կարեւոր չէ, թե ինչպես է իրականում քվեարկել ընտրողը: Կարեւորն այն է, որ մեծ տերությունները «հավանություն են տվել» իշխանության ինքնավերարտադրությանը: Կարծես թե, եւ Արեւմուտքին, եւ Ռուսաստանին, եւ տարածաշրջանի երկրներին ձեռնտու է, որ իշխանության ղեկը մնա այժմյան ղեկավար կլանի ձեռքում: Ի հավելումն սրա, անհրաժեշտ է նշել, որ թե Երեւանը, եւ թե Ստեփանակերտը սկզբունքորեն հետաքրքրված են նրանում, որ Ադրբեջանում նեոմենատիրական սցենարն անցնի առանց ավելորդ էքսցեզների: