Հայաստանի պաշտպանության նախարար Սերժ Սարգսյանի խոսքերով, Հայաստանը եւ Բուլղարիան «ունեն ընդհանուր շահեր», որոնց իրականացմանը կնպաստի երկու երկների համագործակցությունը:

Հայաստանի արտգործնախարար Վարդան Օսկանյանը Զագրեբում բանակցել է Խորվաթիայի ԱԳՆ ղեկավար Տոնինո Պիցուլայի հետ:

«Գեղարդ» ընկերությունը Արաբական Միացյալ Էմիրությունների Շարժա քաղաքում կայացած «Food Festival-2003» միջազգային ցուցահանդեսին ստացել է «Հալալ» որակի սերտիֆիկատ:

Լաս Վեգաս քաղաքում կայացած ցուցահանդեսում հայ լուսանկարիչ Ռաֆայել Համբարձումյանին շնորհվել է «Արժանիքների վկայական»:

Անցյալ ամսվա համեմատությամբ հայկական հավաքականը դիրքերը զիջել է վեց կետով:

Հայաստանի առեւտրի եւ տնտեսական զարգացման նախարարության արդյունաբերության վարչության պետ Մերուժան Հակոբյանի խոսքերով, առաջարկվող այլընտրանքային էներգիայի աղբյուրների (քամի, արեգակ, ջուր եւ այլն) օգտագործումը չի կարող բավարարել արդյունաբերության էներգետիկ պահանջարկը:

ԵԱՀԿ գործող նախագահ Յաապ դե Հուպ Շեֆերի կարծիքով, Ադրբեջանի եւ Հայաստանի կառավարությունների համար «եկել է ժամանակը` լինելու ավելի վճռական եւ համարձակ, որպեսզի գտնվի խնդրի այնպիսի լուծում, որը կբավարարի երկու երկրների ժողովուրդներին»:

Ավանդաբար իշխանամետ տրամադրված թբիլսահայությունը նոյեմբերի 2-ին Վրաստանում կայանալիք խորհրդարանական ընտրություններում հավանաբար կքվեարկի «Բուրջանաձե-Ժողովրդավարներ» ընդդիմադիր դաշինքի օգտին:

Կարծես թե, Թուրքիայի իշխանությունները գիտակցել են, որ իզուր են շտապել դրական արձագանք տալ թուրքական խաղաղարար խումբն Իրաք ուղարկելու` ամերիկացիներին պահանջին: Երեկ արտաքին գործերի նախարար Աբդուլա Գյուլը Աթենքում ընթացող իր գործընկեր Պանդրեուի հետ բանակցությունների ընթացքում հայտարարել է, որ հնարավոր է` Անկարան վերանայի իր որոշումը: Նախապես ձեռք բերված համաձայնության փոփոխությունը հնարավոր է համարել նաեւ Թուրքիայի վարչապետ Ռեջեպ Էրդագոնը: Կառավարության ղեկավարը հայտարարել է, որ Անկարան գուցե վերանայի Իրաք 10 հազարանոց խաղաղարար ուժերի ուղարկման մասին որոշումը: Այս տեղեկությունը Վաշինգտոնում ծայրահեղ դժգոհություն է առաջացրել: Իրադրության զարգացումը հղի է ամերիկա-թուրքական հարաբերությունների նոր լարումներով: