Իրանում Հայաստանի դեսպան Գեղամ Ղարիբջանյանի խոսքերով, այժմ կողմերը ակտիվ բանակցություններ են վարում գազի գնային բանաձեւը որոշելու վերաբերյալ, որը հիմնական խոչնդոտն է տվյալ նախագծի իրականացման ճանապարհին:

Հայաստանի եւ Ադրբեջանի նկատմամբ Թեհրանի կողմից տարվող քաղաքականությունը «դժվարեցնում է» թուրք-իրանական հարաբերությունների զարգացումը, հայտարարել է Թուրքիայի պաշտպանության նախարար Վեջդի Գոնուլը:

Կարծես թե իրականանում են այն կանխատեսումները, համաձայն որոնց, Վրաստանի հայկական համայնքի ազդեցությունը երկրի քաղաքական գործընթացների վրա կարող է թուլանալ: Եւ կիրակի կայացած խորհրդարանական ընտրությունների, եւ միաժամանակ անցկացված պատգամավորների թվի կրճատման վերաբերյալ հանրաքվեի արդյունքները վկայում են հենց այդ մասին: Ակնհայտ է, որ խորհրդարանի նոր կազմում հայերի թիվն ավելի քիչ կլինի, քան նախկինում: Իսկ հաջորդ խորհրդարանի կազմում հայեր կարող են ընդհանրապես չլինել: