Ադրբեջանի նախագահ Իլհամ Ալիեւը պաշտոնական այցով կմեկնի Մոսկվա 2004 թվականի փետրվարին:

Սեյրան Օհանյանը պոպուլիստական է անվանել Բաքվից հնչող ռազմատենչ սպառնալիքները եւ մեղադրանքներն այն բանում, թե ղարաբաղյան բանակի կողմից վերահսկվող տարածքները, իբր, հանդիսանում են թմրանյութերի տարանցման գոտի եւ միջուկային թափոնների գերեզման:

Արկադի Ղուկասյանը ցավակցական հեռագիր է հղել Մուհամմադ Խաթամիին Իրանի հարավ-արեւելքում երեկ տեղի ունեցած ավերիչ երկրաշարժի կապակցությամբ:

Ընթացիկ տարվա 9 ամիսների ընթացքում Հայաստանում հարուցվել է 19 քրեական գործ կանանց սեռական շահագործման փաստերի վերաբերյալ:

ՀՀ կառավարությանն առընթեր միգրացիայի եւ փախստականների վարչության պետ Գագիկ Եգանյանի խոսքերով, սկսած 2002 թվականից Հայաստանում արդեն դիտվել է զրոյական միգրացիոն սալդո:

Շախմատի աշխարհի նախկին չեմպիոն Գարրի Կասպառովը տարվա արդյունքով ստացել է աշխարհի լավագույն շախմատիստի հերթական մրցանակը:

Նրա խոսքերով, ընդդիմության գործողություններում կան դրսեւորումներ, որոնք ուղղակի հակասում են Քրեական օրենսգրքին:

«ֆորում 18» միջազգային իրավապաշտպան կազմակերպությունը, որի կենտրոնը գտնվում է Օսլոյում, տարածել է Եվրոպայի եւ աշխարհի երկրներում հավատացյալների իրավունքների վերաբերյալ իր ամենամյա հաշվետվությունը: Նորվեգացի իրավապաշտպաններն Ադրբեջանը ներառել են այն երկրների ցանկում, որտեղ ճնշվում են քաղաքացիների կրոնական դավանանքի իրավունքները: «Ադրբեջանի կառավարությունը թշնամաբար է վերաբերվում կրոնական ազատության գաղափարին, որն, ակնհայտորեն, պայմանավորված է սոցիալական ուժերի հանդեպ չինովնիկների ունեցած վախով, ինչպես նաեւ այլընտրանքի հանդեպ ունեցած անբարյացկամությամբ»,- նշվում է փաստաթղթում: «ֆորում-18» կազմակերպության հաշվետվությունը վերջին երկու շաբաթվա մեջ պաշտոնական Բաքվի վարկանիշին ուղղված երկրորդ ուժեղ հարվածն էր: