Հայաստանի օրենսդրությունը ժնեւյան կոնվենցիային համապատասխանեցնելու նպատակով ՀՀ խորհրդարանն այսօր ընդունել է փախստականների մասին օրենքում փոփոխություններ եւ լրացումներ կատարելու մասին որոշում:
Ադրբեջանը ետ է մնում հարեւան Հայաստանից Եվրախորհրդին անդամակցելիս ստանձնած պարտավորությունների կատարման առումով, հայտարարել է ԵԽ նախարարների կոմիտեի դիտարկման խմբի ղեկավար Պիետրո Էրկոլե Ագոն:
«Հայոց համազգային շարժումը» «հանուն ներկայիս ապօրինի իշխանությունների հեռացման եւ Հայաստանում օրինական ղեկավարության հաստատման պատրաստ է սերտորեն համագործակցել «Հանրապետություն» կուսակցության հետ», հայտարարել է ՀՀՇ վարչության նախագահը:
ԱՄՆ վարչակազմը նախօրեին ներկայացրել է 2005 թվականի երկրի բյուջեի նախագիծը, որտեղ Ադրբեջանին տրամադրվելիք ռազմական օգնության չափը չորս անգամ գերազանցում է Հայաստանի համապատասխան օգնության ծավալին:
Վերմոնթի նահանգապետ Հովարդ Դինը քննադատել է Ջորջ Բուշին` հայոց ցեղասպանության ճանաչման վերաբերյալ հայկական համայնքին տված խոստումները չկատարելու համար:
2003 թվականին Հայաստան այցելել է 206 094 զբոսաշրջիկ, ինչը, ՀՀ Ազգային վիճակագրական ծառայության տվյալներով, 27,1 տոկոսով գերազանցում է 2002թ. ցուցանիշը: