Իրենց դիմումի մեջ Եվրոպայի հայերը խնդրել են, որ դեսպանը հրապարակայնորեն ներողություն խնդրի ամբողջ աշխարհի հայերից, որոնք դեռեւս սգում են ցեղասպանության զոհ դարձած իրենց հարազատների եւ մերձավորների համար:

«Լեռնային Ղարաբաղի հակամարտության լուծումը չի կարող պարտադրվել դրսից», նշել է Արմիթիջը, հույս հայտնելով, որ Հայաստանը եւ Ադրբեջանը մոտ ապագայում կվերսկսեն բանակցությունները:

Հայ-թուրքական սահմանի բացումը շահեկան է երկու երկրների համար եւ դրա արդյունքները շոշափելի կդառնան բավականին կարճ ժամկետներում, Երեւանում հայտարարել է ԱՄՆ պետքարտուղարի տեղակալը:

ՀՀ ԱԳՆ-ն շարունակում է քայլեր ձեռնարկել Հասարակածային Գվինեայում պետական հեղաշրջման փորձին մեղսակից լինելու կասկածանքով ձերբակալված 6 հայ օդաչուներին անհրաժեշտ իրավական օգնությամբ ապահովելու նպատակով:

Հայկական զորամիավորումը շարունակում է խաղարարար առաքելություն իրականացնել Կոսովոյում, որտեղ վերջին շրջանում իրադրությունը խիստ սրվել է: Հունական գումարտակի կազմում գործող հայ զինվորականների ջոկատը Հարավսլավիայում է ընդամենը մեկուկես ամիս, սակայն արդեն հասցրել է մասնակցել կայունության ապահովմանն ուղղված կարեւոր գործողություններին: Հայտնի իրադարձություններից հետո գումարտակում իրականացվել է մարտական պատրաստվածության բարձրացում: Սակայն, հաշվի առնելով հայ խաղարարարների դեռեւս անբավարար փորձը, որոշվել է նրանց չուղարկել առավել դժվար վայրեր: Հայկական գումարտակը բավականին հեռու է տեղակայված է սերբերի եւ կոսովյան ալբանացիների անմիջական բախումների վայրերից: