Նստաշրջանի օրակարգում ընդգրկված են Կովկասի իրավիճակին եւ ահաբեկչության դեմ պայքարին վերաբերող հարցեր:

Ցուցահանդեսին, որը կտեւի մինչեւ ապրիլի 14-ը, մասնակցում են ողջ աշխարհի հայկական ընկերությունները, որոնցից 24-ը կներկայացնեն Հայաստանը:

Ինչպես տեղեկացրել են ՀՀ գլխավոր դատախազության մամուլի ծառայությունից, լրագրողների վրա հարձակվողների թվում եղել է Երեւան քաղաքի բնակիչ Աշոտ Ավետիսյանը (ծնվ.1969թ.) «Բանգլադեշցի Հրո» մականունով:

Հայաստանի պատվիրակությունը Վարդան Օսկանյանի գլխավորությամբ ֆրանսիական այդ քաղաքում կմասնակցի Եվրախորհրդի նախարարների կոմիտեի 114-րդ նստաշրջանի աշխատանքին:

Ղարաբաղյան հակամարտությանը նվիրված գրքի հեղինակ Թոմաս դը Վաալը առաջին անգամ մանրամասներ է հաղորդում ամերիկյան Քի Ուեսթ քաղաքում կայացած բանակցությունների մասին:

ԱԺ-ում ներկայացված Հայաստանի բոլոր քաղաքական ուժերը հնարավորինը կանեն երկրում նոր քաղաքական իրավիճակի հաստատման համար եւ քաղաքական երկխոսության ճանապարհով կհասնեն առկա դժվարին խնդիրների լուծմանը, հայտարարել է Արթուր Բաղդասարյանը հերթական քաղաքական խորհրդակցություներից հետո:

Աջարիայում հաստատվեց խաղաղություն: Հակամարտությունը կարգավորվեց առանց արյունահեղության: Ճգնաժամը հնարավոր եղավ հաղթահարել առաջին հերթին Մոսկվայի ջանքերով, որը չիրականացրեց այնպիսի գործողություններ, որոնք կարող էին Ասլան Աբաշիձեի կողմնակիցներին մղել հակամարտության: Այսպիսով, ակնհայտ է, որ կենտրոնի եւ ինքնավարության միջեւ առկա հակամարտությանը վերջ դրվեց ոչ թե Վրաստանի եւ Աջարիայի ղեկավարների, այլ` արտաքին ուժերի օգնությամբ: Վրաստանի կախվածությունը հարեւան պետություններից` Ռուսաստանից եւ Թուրքիայից բավականաչափ մեծ է, որպեսզի պաշտոնական Թբիլիսին կարողանա անտեսել նրանց կարծիքը: Պատճառը, որը Վրաստանի ղեկավարությանը մշտապես ստիպում է նայել հյուսիս եւ հարավ, թաքնված է Մոսկովյան եւ Կարսի պայմանագրերում: Բոլշեւիկների եւ քեմալիստների հանցագործ համաձայնությամբ կնքված այդ փաստաթղթերը սահմանափակեցին Թբիլիսիի իրավունքները Աջարիայի տարածքի հանդեպ եւ Մոսկվային ու Անկարային մեխանիզմներ տվեցին ազատորեն միջամտելու Վրաստանի ներքին գործերին: