Սվետլանա Գաննուշկինայի կարծիքով, փախածների պահանջները չէին համապատասխանում ՄԱԿ-ի 1951 թվականի Փախստականի կարգավիճակ տրամադրելու վերաբերյալ կոնվենցիային, քանի որ այդ մարդկանց նկատմամբ Հայաստանում չի կիրառվել էթնիկ խտրականություն:

Հայ-ռուսական միջխորհրդարանական հանձնաժողովի նիստի ընթացքում ընդունվել է արձանագրություն, որի կետերից մեկով նախատեսվում է առաջարկել Հայաստանի, Վրաստանի, Ռուսաստանի կառավարություններին եռակողմ պայմանագիր ստորագրել` Աբխազիայի երկաթուղային միջանցքի խնդիրը լուծելու համար:

«ANS»-ը մեղադրում է «Բի-բի-սի»-ին Լեռնային Ղարաբաղի հակամարտության կանխակալ լուսաբանման մեջ:

Խորհրդը կհամակարգի Հայաստանի հակակոռուպցիոն ռազմավարության ծրագրի իրականացման աշխատանքները, կհետեւի երկրի միջազգային պարտավորություններից բխող միջոցառումների իրականացմանը:

Ալեքսիս Լոեբերի կարծիքով, այդ ժամանակ Հայաստանը արդեն կարող է ապահովված լինել էլեկտրաէներգիայի այլընտրանքային աղբյուրներով:

Հայատոմհսկողության պետը անհիմն է համարում Եվրահանձնաժողովի ներկայացուցիչ Ալեքսիս Լոեբերի պնդումներն այն մասին, որ միջուկային վառելիքի առաքումը Հայաստան ռուսական տրանսպորտային ինքնաթիռների միջոցով «համարժեք է թռչող ատոմային ռումբի»:

Արկադի Ղուկասյանի խոսքերով, Ադրբեջանը ստիպված կլինի բանակցությունների սեղանի շուրջ նստել Լեռնային Ղարաբաղի հետ, «քանի որ այլ ճանապարհ չկա»:

Բաքվում հրապարակվող «Էխո» թերթը սադրիչ տեղեկություն է տարածել այն մասին, թե Ստեփանակերտում ընդդիմությունը ցույցեր է անում` պահանջելով վերադարձնել Ղարաբաղը Ադրբեջանի կազմ: Համաձայն հաղորդագրության, նման ցույցերից մեկի ժամանակ ԼՂՀ-ի դրոշի հետ մեկտեղ ցուցարարները բարձրացրել են նաեւ Ադրբեջանի դրոշը: Այս զառանցանքային հայտարարությունը չի հաստատել եւ ոչ մի այլ աղբյուր: Ստեփանակերտի մեր գործընկերները հայտնում են, որ Ղարաբաղում ոչ մի ցույց չի եղել: Լիովին ակնհայտ է, որ մենք գործ ունենք հերթական կեղծիքի հետ: