ԱՄՆ Պետդեպարտամենտն իր ամենամյա հաշվետվությունում հայտարարել է «Լեռնային Ղարաբաղի տարածքները Մերձավոր Արեւելքից եւ այլ վայրերից վերաբնակիչներով բնակեցման մասին»

Կանադայի ադրբեջանցիները աջակցություն են խնդրել երկրի գերմանական,ֆրանսիական եւ հրեական համայնքներից «Խոջալուի ցեղասպանության» հարցը Օտտավայի պաշտոնական շրջանակներում քննարկելու առնչությամբ

Վրաստանի վարչապետ Զուրաբ Նոգայդելին մտադիր է հասնել տեղական ինքնակառավարման ստորին մարմինների լուծարմանը: Կառավարության ղեկավարը կարծում է, որ գյուղական եւ ավանների համայնքները, որոնք Վրաստանում անվանվում են «Սակրեբուլո», պետք է վերացնել եւ պահպանել միայն շրջանային խորհուրդները: Այս նախաձեռնության մասին Նոգայդելին հայտնել է խորհրդարանի նիստի ժամանակ` ներկայացնելով կառավարության առաջիկա գործունեությունը: Գործադիր իշխանության ղեկավարի մտադրությունը զայրույթ է առաջացրել խորհրդարանական ընդդիմության, տեղական ինքնակառավարման մարմինների Ասոցիացիայի եւ երկրի ազգային համայնքների մոտ: Նոր վարչապետի գաղափարներն անհանգստացնում են նաեւ վրացահայերին