Սենսացիոն կարելի է անվանել Անկարայում տպագրվող «Զաման» թերթի տարածած հաղորդագրությունը: Հղում կատարելով դիվանագիտական աղբյուրներին` թերթի մեկնաբանը հավաստում է, որ առաջիկայում Թուրքիայի վարչապետ Ռեջեպ Թայիպ Էրդողանը հնարավոր է հանդես գա Հայաստանի նախագահ Ռոբերտ Քոչարյանի հետ հանդիպելու առաջարկով: Նման հանդիպումը, եթե այն իսկապես տեղի ունենա, աննախադեպ կլինի: Չնայած Հայաստանի եւ Թուրքիայի ղեկավարները նախկինում միջազգային տարբեր քննարկումներին մակերեսային կապեր ունեցել են, սակայն պատմության մեջ դեռեւս երբեք նրանց երկխոսության առարկան չի դարձել երկու ազգերի միջեւ ծագած քաղաքական խնդիրների կարգավորման հարցը: