Չունենալով ԱՄՆ-ի ուժեղ եւ հստակ աջակցությունը որպես ռազմավարական գործընկերոջ, չունենալով նավթի պաշարներ, ինչպես Ադրբեջանը, եւ, վերջապես, ելք չունենալով դեպի Սեւ ծով, Վրաստանի պես, Հայաստանն իր արտաքին քաղաքականության մեջ, այնուամենայնիվ, հստակ հավատարիմ է մնում հիմնական ուղղություններին: Դրանցից առաջնայիններն են ղարաբաղյան հակամարտության խաղաղ կարգավորումը եւ Հայոց ցեղասպանության միջազգային ճանաչումը, ինչն իր հերթին կարող է նախապայմաններ ստեղծել հայ-թուրքական սահմանի բացման համար: