Միջուկային ծրագրի դադարեցման վերաբերյալ Իրանին ներկայացված վերջնագրի ժամկետը ավարտվեց, նախագահ Մահմուդ Ահմադինեջադը այն, ինչպես եւ սպասվում էր, չընդունեց: Ավելին, այն չի ընդունում նաեւ երկրի հոգեւոր առաջնորդ այաթոլա Ալի Խամենեին, ում խոսքը Իրանի համար որոշիչ է: Արդյոք կհամարձակվի ԱՄՆ-ը, Իրաքում «ժողովրդավարության հաստատման», անկեղծ ասած, տապալումից հետո, եւս մեկ նախապես դատապարտված պատերազմի. ահա թե ինչումն է հարցը: Մեծ հաշվով, նախագահ Բուշը կորցնելու ոչինչ չունի. նրա վարկանիշը աներեւակայելի անկում է ապրել: