Մենք արդեն ինչ-որ տեղ ընտելացել ենք Ադրբեջանի ԱԳՆ նյարդային «արձագանքներին» այն ամենին, ինչ կատարվում է Հայաստանում: Իսկ հեռու մնալ նման կարեւոր իրադարձությունից, ինչպիսին էր նախագահի ընտրությունը Հայաստանում, Ադրբեջանի ԱԳՆ-ն ուղղակի չէր կարող: Չէին հասկանա: Պարզ է, որ Բաքվում, ինչպես եւ Թուրքիայում հիասթափված են ընտրությունների արդյունքներից` Լեւոն Տեր-Պետրոսյանը չանցավ եւ բոլոր հույսերը, որ փայփայվում էին մամուլի եւ պաշտոնյաների կողմից, ի չիք դարձան: Ուստի պետք է ինչ-որ բան անել, գոնե հանդես գալ հայտարարությամբ: Ինչն էլ արվեց զուտ ադրբեջանական ծավալով: