![](https://static.pn.am/images/l_art1_arm.gif)
29 նոյեմբերի 2008 - 17:42 AMT
![](https://static.pn.am/images/sep_circle.gif)
05:47 GMT
Դատելով Ադրբեջանի նախագահի ռազմաշունչ հայտարարություններից` ներքաղաքական իրավիճակն երկրում հեռու է այն պայծառ պատկերից, որ աշխարհին է ներկայացնում Ալիեւների կլանը: Նավթի գների կտրուկ անկումն արդեն իսկ հանգեցրեց նրան, որ ադրբեջանական ԶԼՄ-ներում սկսել են «զգուշավորությամբ» խոսել այն մասին, որ համաշխարհային ճգնաժամն ազդում է նաեւ Ադրբեջանի վրա: Նավթադոլարների հոսքը վերածվում է գետակի եւ, որպես հետեւանք, առանց այդ էլ աղքատ բնակչությունը վերջնականապես անդունդն է գլորվում: Զարգանում եւ բարգավաճում է միայն Բաքուն, իսմ մնացած Ադրբեջանը նույնիսկ լույսի շող չի տեսնում իր ծանր կյանքում: