Ինչ էլ ասեն Ադրբեջանում այն մասին, թե համաշխարհային տնտեսական ճգնաժամը «գրեթե չի անդրադառնա հանրապետության վրա», այնուամենայնիվ այդ հայտարարությունները, ինչպես, ի դեպ, եւ Բաքվի քարոզչամեքենայի մնացած «բացահայտումները», չեն համապատասխանում իրականությանը: Նավթի գինը առաջիկայում հազիվ թե բարձրանա, գազինը եւս, իսկ դա նշանակում է, որ Ալիեւների կլանը չի ստանա հերթական միլիարդավոր մանաթները: Ի դեպ, Բաքվում հաշվում են բացառապես մանաթով, որովհետեւ այդպես ավելի ազդեցիկ է:

2009թ. հունվարի 1-ից Երեւանի կոնյակի գործարանը նոր ղեկավարություն ունի: Ինչպես այսօր մամլո ասուլիսում հայտարարել է Պեռնո Ռիկարի Արեւելյան Եվրոպայի գործադիր տնօրեն Էրիկ Լաբորդը, Երեւանի կոնյակի գործարանի գլխավոր տնօրեն է նշանակվել Արա Գրիգորյանն, որ մինչ այդ զբաղեցնում էր Պեռնո Ռիկար Ուկրաինայ եւ Պեռնո Ռիկար Մինսկ ընկերությունների գործադիր տնօրենի պաշտոնը: