Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում:

ԵԱՀԿ ՄԽ վերջին հայտարարությունն ինչ-որ առումով անակնկալ եղավ: Ճիշտ է, ոչ մի նոր բան միջնորդները չասացին, ընդամենը կրկնեցին այն, ինչ ասվում էր ողջ անցած տարվա ընթացքում: Երեւանում հայտարարությանը հանգիստ վերաբերվեցին, առավել եւս, որ այն հիմնականում առնչվում էր բանակցային գործընթացում Ադրբեջանի որդեգրած դիրքորոշմանը; Համանախագահները եւս մեկ անգամ ընդգծեցին, որ ղարաբաղյան հակամարտությունը պետք է լուծվի բացառապես խաղաղ ճանապարհով: «Հակամարտությունների արդար եւ տեւական կարգավորման հիմնական տարրը ուժի չկիրառումն է»,-ասվում է ԵԱՀԿ ՄԽ հայտարարության մեջ:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: