Հավանաբար, աշխարհում ոչ ոք պետքարտուղար Քլինթոնից նոր խոսք չէր ակնկալում ԱՄՆ-ի արտաքին քաղաքականության մեջ, քանի որ ցանկացած պետության արտաքին քաղաքականություն կառավարման ամենապահպանողական հատվածն է: Առավել եւս, ոչ ոք չէր ակնկալում նման արհամարհական, եթե չասենք ավելին, վերաբերմունք սեփական դեպարտամենտի աշխատանքին: Ամեն ինչ սկսվեց պետդեպարտամենտի Մարդու իրավունքների տարեկան զեկույցից: Այն, որ դեպարտամենտը միշտ քաղաքականապես կանխակալ է եղել, բոլորը գիտեն: Սակայն ԱՄՆ-ի ոչ մի պետքարտուղար չէր համարձակվել քննադատել Մարդու իրավունքների վերաբերյալ զեկույցը, ընդ որում, ոչ թե Վաշինգտոնում, այլ արտերկրյա ուղեւորության ժամանակ:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: