Եվ կրկին ամեն ինչ վերադարձավ ի շրջանս յուր. պետության նախագահներն ասում են այն, ինչ իրենցից ցանկանում են լսել իրենց քաղաքացիները, ռեվերանսներ են անում, իսկ իրականում ամեն ինչ հակառակն է ստացվում: Բացառություն չէր նաեւ Թուրքիայի վարչապետ Ռեջեփ Թաիփ Էրդողանի այցը Բաքու, որը կարծես կոչված էր հանգստացնել Բաքվին: Սակայն միլի մեջլիսում եւ մամլո ասուլիսում Էրդողանի արտասանած բոլոր բառերը լոկ ...խոսքեր են:

Պրահայում Հայաստանի եւ Ադրբեջանի նախագահների հերթական հանդիպումը կրկին ոչինչի չի հանգեցրել:Համենայն դեպս, այդպիսի տպավորություն է ստեղծվում հաղորդագրություններից, որոնք, ինչպես միշտ, լի էին բարեկամական, ոչինչ չպարտավորեցնող արտահայտություններով: Մի խոսքով, ոչ մի «բեկում» տեղի չի ունեցել: Ճիշտ է, Մեթյու Բրայզան, ինչպես միշտ, հավատարիմ է մնացել իրեն եւ կրկին անտեղի ասել, որ «համաձայնություն է ձեռքբերվել հիմնարար սկզբունքների շուրջ», ինչն անհապաղ հարուցել է Ստեփանակերտի կտրուկ արձագանքը: