Ինչ-որ խորհրդանշական բան կա Անկարա ՌԴ վարչապետ Վլադիմիր Պուտինի այցի ամսաթվի մեջ: Եթե հիշենք, որ ուղիղ մեկ տարի առաջ հենց այս օրերին սկսվեց վրացա-հարավօսական պատերազմը, որը տարածաշրջանը աղետի եզրին կանգնեցրեց, ապա Պուտինի այցը Թուրքիա կարելի է դասել ծրագրված պատահականությունների շարքին: Իսկ եթե հիշենք, որ հենց այդ պատերազմից հետո թուրք վարչապետը հանդես եկավ խաղաղության եւ կայունության Կովկասյան պլատֆորմի նախաձեռնությամբ, ապա կարելի է ասել, որ Վլադիմիր Պուտինը Թուրքիա է մեկնում ոչ միայն քննարկելու երկու երկրների միջեւ ծագած մաքսային խնդիրները, այլեւ առավել լուրջ հարցերի լուծման համար: Իսկ Ռուսաստանի համար ամենալուրջ հարցն այժմ Nabucco գազատարի նախագծի հնարավոր իրականացումն է:

Հայաստանում ավարտվող շաբաթվա հիմնական ներքաղաքական իրադարձությունը դարձավ Երեւանի ավագանիների խորհրդի աշխատանքը, ընդդիմության դանդաղընթաց բողոքի ցույցերը, 2008 թվականի մարտի 1-ի իրադարձությունների շուրջ փաստահավաք խմբի ցրումը, ՀՀ խորհրդարանում հարկային օրինագծի եւ «Հազարամյակի մարտահրավերները» ծրագրի կողմից Հայաստանի ֆինանսավորման դադարեցման քքնարկումը:

Ապրիլի 11-ին Հայ Առաքելական եկեղեցին սկսում է նշել եկեղեցական վեց Տաղավար տոներից մեկը` Սուրբ Զատիկը: Արեւի մայրամուտի հետ մինչ ուշ երեկո ՀԱԵ բոլոր եկեղեցիներում կմատուցվի պատարագ, որը նշանավորում է Մեծ պասի ավարտն ու Հիսուս Քրիստոսի հարությունը: Մահացած եւ հարություն առած աստծո ավանդույթը գալիս դեռեւս հին եգիպտական կրոնից, երբ եգիպտացիները նշում էին Օսիրիս աստծո մահն ու հարությունը: Այժմյան քրիստոնեական Զատիկը իր սկիզբն է առնում Հին կտակարանից: Հին հրեաները նշում էին Զատիկը (Պեսախ) որպես Եգիպտսից հրեաների հեռանալու տոն:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում: