Այս շաբաթ Հայաստան այցելեցին երեք երկրների` Իրանի, Վրաստանի ու Իտալիայի պատվիրակությունները, րոնց հետ մեր երկիրը որոշակի առեւտրատնտեսական ու քաղաքական հարաբերություններ ունի: Յուրաքանչյուր երկրի պատվիրակությունն իր շահերն է հետապնդում, Հայաստանը` իր: Հայ-իրանական հարաբերություններում հանրապետության ամենագլխավոր առաջնահերթություններից մեկը Իրան-Հայաստան երկաթուղու շինարարությունն է: Այդ մասին, ընդունելով Իրանի ԱԳ նախարար Մանուչեհր Մոթթաքիին եւ նրա գլխավորած պատվիրակությանը, հայտնեց Հայաստանի վարչապետ Տիգրան Սարգսյանը:

Ներքաղաքական կյանքը մտավ իր բնականոն հունի մեջ, եւ անցած շաբաթը Հայաստանում նշանավորվեց հարեւան երկրների մի շարք բարձրաստիճան հյուրերի այցերով: Երեւան ժամանեցին Իրանի ԱԳՆ ղեկավար Մանուչեհր Մոթթակին, Վրաստանի վարչապետ Նիկա Գիլաուրին եւ Մոսկվայի քաղաքապետ Յուրի Լուժկովը: Շաբաթը նվիրված էր նաեւ Սոչիում կայացած Հայաստանի, Ադրբեջանի ու Ռուսաստանի նախագահների եռակողմ հանդիպման վերաբերյալ քաղաքական ուժերի եւ փորձագետների մեկնաբանություններին:

Իրանը տարածաշրջանում երեւի միակ պետությունն է, որը հարեւանների հետ խնդիրներ չունի: Նա հավասարապես լավ հարաբերություններ ունի բոլորի հետ, առանց որեւէ մեկին նախապատվություն տալու: Ավելին, Իրանն այլ պայմաններում կարող էր ունենալ բավականին լուրջ դեր ղարաբաղյան հակամարտության խնդրի խաղաղ կարգավորման ընթացքում:

Open Music Fest-ի շնորհիվ, որն անց է կացվում Երեւանում, Հայաստանի մշակութային կյանքում 2009-ի ամռան վերջին շաբաթում տիրող հարաբերական անդորրը զարդարվեց Աննա Մաիլյանի սոպրանոյով, Տաթեւիկ Բաղդասարյանի բարեհնչյուն ֆլեյտայի ձայնով` Հայաստանի ազգային կամերային նվագախմբի նվագակցությամբ, որի գեղարվեստական ղեկավարն է Արամ Կարաբեկյանը:

Արդեն մեկ ամիս է, ողջ աշխարհում ինտերնետից օգտվողների եւ ՏՏ մասնագետների ուշադրության կենտրոնում է երեք իրադարձություն`մի կողմից Microsoft կորպորացիայի արտադրանք հանդիսացող Windows 7 նոր օպերացիոն համակարգի ուղղությամբ տարվող աշխատանքների ավարտը, մյուս կողմից` Google ընկերության արագագործ զննարկիչի (բրաուզերի) թողարկումն ու սեփական օպերացիոն համակարգի ուղղությամբ տարվող աշխատանքը:

Ապրիլի 11-ին Հայ Առաքելական եկեղեցին սկսում է նշել եկեղեցական վեց Տաղավար տոներից մեկը` Սուրբ Զատիկը: Արեւի մայրամուտի հետ մինչ ուշ երեկո ՀԱԵ բոլոր եկեղեցիներում կմատուցվի պատարագ, որը նշանավորում է Մեծ պասի ավարտն ու Հիսուս Քրիստոսի հարությունը: Մահացած եւ հարություն առած աստծո ավանդույթը գալիս դեռեւս հին եգիպտական կրոնից, երբ եգիպտացիները նշում էին Օսիրիս աստծո մահն ու հարությունը: Այժմյան քրիստոնեական Զատիկը իր սկիզբն է առնում Հին կտակարանից: Հին հրեաները նշում էին Զատիկը (Պեսախ) որպես Եգիպտսից հրեաների հեռանալու տոն: