Փետրվարի 26-ին Տրետյակովի պետական պատկերասրահում տեղի կունենա Մարտիրոս Սարյանի 130-ամյակին նվիրված ցուցահանդեսի բացումը

Ստեղծված իրավիճակի կապակցությամբ Անկարայում թուրքական բանակի պետական շտաբում տեղի ունեցավ ռազմական ղեկավարության արտակարգ նիստ

Թուրքիայի եւ Իսրայելի միջեւ հարաբերությունների սրումը գնալով աճում է, եւ Իսրայելի համար ամենատհաճն այն է, որ նա ոչինչ չի կարող անել: Դավոսի տխրահռչակ պատմությունից հետո տարուց ավել է անցել, սակայն Անկարան այդպես էլ չի կարողանում «ներել» Երուսաղեմին «Ձուլած արճիճ» օպերացիայի համար: Դժվար թե Էրդողանի կառավարությունն այդքան մտահոգված է Գազայում կատարված «հումանիտար աղետով». Մեծ խաղում բոլոր այդ բարության դրսեւորումները ոչ մի նշանակություն չունեն, եթե չեն ծառայում որոշակի նպատակների:

18-րդ դարում`1701 թ. Սբ Նշան եկեղեցին կառուցել են Ամիր Բեյբությանը եւ նրա որդին`Ասլամազը: Թբիլիսիում կառուցված հայկական Սբ Նշան եկեղեցու տարածքում Վրաստանի բնակիչ մի կին, որի ազգությունը պարզել հնարավոր չեղավ, շներ է բազմացնում: Այս մասին ստացած լուրը, մեղմ ասած, բողոքի ալիք բարձրացրեց: Ավելորդ է խոսել վրացական իշխանությունների անտարբերության մասին` հատկապես հայկական պատմաճարտարապետական հուշարձանների պահպանման հարցում, որոնք համարվում են համաշխարհային մշակութային ժառանգություն: Սակայն, զարմանալիորեն երկրի իշխանությունների անտարբերությունն ուներ տրամաբանական բացատրություն` 2002 թ. նոյեմբերի 20-ի գիշերը լույս ժամը 3-ին Սբ Նշան եկեղեցում տեղի է ունեցել հրդեհ, որը հրո ճարակ էր դարձրել եկեղեցու ողջ հավաքածուն եւ հարուստ գրադարանը, եւ որի արդյունքում առաջացել էր 50 սմ մոխրակույտ:

Հունահռոմեական ըմբշամարտ. հունվարի 13-14-ը Կարեն Դեմիրճյանի անվան մարզահամերգային համալիրում տեղի ունեցավ հունահռոմեական ըմբշամարտի Աշխարհի գավաթը: Երրորդ տեղի համար հայ մարտիկները պայքարում էին Ռուսաստանի հավաքականի հետ եւ հաղթանակ տարան 4:3 հաշվով: Այդ առճակատման մեջ ամեն ինչ որոշվեց 7-դ մենամարտում, որտեղ հանդիպեցին 120 կգ ք/կ-ի ըմբշամարտիկներ Յուրի Պատրիկեեւը (Հայաստան) եւ Ալեքսանդր Անյուշինը (Ռուսաստան): Պատրիկեեւը մենամարտը սկսեց շատ վստահ եւ հաղթեց, Հայաստանի հավաքականին բերելով գավաթ 3-դ տեղի համար: Աշխարհի գավաթում դա Հայաստանի հավաքականի 3-դ հաղթանակն էր: Խմբային փուլում հայ ըմբշամարտիկները հաղթեցին Սկանդինավիայի եւ Կուբայի հավաքականներին 7:0 հաշվով:

Այս շաբաթ Հայաստանի Ազգային վիճակագրական ծառայությունը հրապարակեց հիմնական մակրոտնտեսական ցուցանիշները, եւ դրանք լավատեսություն են ներշնչում: Հայաստանի ՆՀԱ ծավալը 2010թ. հունվարին աճել է 2,4%-ով` համեմատած 2009 թվականի նույն շրջանի հետ: Հայաստանի Ազգային վիճակագրական ծառայության պաշտոնական տվյալների համաձայն, ՆՀԱ ծավալը կազմել է 149,5 մլրդ դրամ: 2010 թվականի հունվարին Հայաստանում գնաճն արձանագրվել է 7% մակարդակում` ի համեմատ 2009 թվականի նույն շրջանի:

Նախորդ շաբաթը սկսվել էր Հայաստանի ամենատարբեր քաղաքային ուժերի մամլո ասուլիսներից: Ինչպես միշտ առավել ակտիվ էին ՀՀԿ-ն, «Ժառանգության», Դաշնակցության ներկայացուցիչները: Հայաստանի քաղաքական կյանքին միացավ նաեւ Հայ ազգային կոնգրեսը, որը մինչ օրս նախընտրում էր աշխատել գրասենյակներում:

Անցած շաբաթ Երեւանում անցկացվեց «ART-EXPO» երկրորդ մշակութային ցուցահանդեսը: Այն յուրօրինակ հաշվետվություն էր ավելի քան 50 հայկական մշակութային կազմակերպությունների 2009 թ-ում կատարված աշխատանքի մասին: Ցուցահանդեսի կազմակերպիչները, մասնավորապես ՀՀ մշակույթի նախարար Հասմիկ Պողոսյանը, նշել էին առաջին եւ երկրորդ ցուցահանդեսների միջեւ եղած տարբերությունը. «Նախորդ տարի ցուցահանդեսին մասնակցել էր 20 կազմակերպություն, իսկ այս տարի նրանց թիվը հասել է 50-ի: Ես հույս ունեմ, որ մի քանի տարի հետո մենք կկարողանանք այդ ցուցահանդեսն անցկացնել արտասահմանում, ինչը մեզ համար մեծ նվաճում կլինի»:

Բջջային կապի ծառայությունների հայաստանյան շուկան 2009 թվականի վերջին ընդհուպ մոտեցավ հագեցման շեմին՝ երկրի չափահաս բնակչության ճնշող մեծամասնությունը մեկ կամ երկու բջջային հեռախոսահամար ունի։ 3.2 միլիոն բնակիչ ունեցող հայաստանյան շուկայում տարեվերջյան տվյալներով ավելի քան 2,5 միլիոն բջջային բաժանորդ կար։