Որոշ ժամանակ անց աշխարհը կտեսնի նոր Մերձավոր Արևելքը, որն իր մեջ ավելի շատ սպառնալիքներ կթաքցնի, քան նախկինն իր հին և հիվանդ նախագահներով, կոռուպցիայով և աղքատությամբ: Հավանաբար կլինեն նոր նախագահներ, եթե թույլ տան զինվորականները, բայց կոռուպցիան և աղքատությունն անփոփոխ կլինեն: Դրանք նույնիսկ կարող են աճել այն բանի շնորհիվ, որ նոր կառավարողները պետք է ապահովեն իրենց ծերությունը չնախատեսված պաշտոնանկության դեպքում:

Հայաստանի բնակչությունը շունչը պահած սպասում է գազի սակագների հերթական ապրիլյան բարձրացմանը: «ՀայՌուսգազարդ» ՓԲԸ-ի գլխավոր տնօրեն Վարդան Հարությունյանը մեկնել է Մոսկվա`«Գազպրոմի» ղեկավարության հետ գազի սակագների հնարավոր փոփոխությունները քննարկելու համար:

Եգիպտոսում և Թունիսում վերջին դեպքերը ցույց տվեցին այն հսկայական դերը, որը կարող են ժամանակակից քաղաքական գործընթացներում խաղալ սոցիալական ցանցերը: Վերջիններիս շնորհիվ նույնիսկ ավանդական ԶԼՄ-ների վրա լիովին հսկողության պայմաններում ընդդիմադիր ուժերը կարողացել են համակարգել իրենց բողոքի ակցիաները և փողոց դուրս բերել իշխանություններից և իրենց սոցիալական դրությունից դժգոհ միլինավոր մարդկանց:

Հայաստանի Ազգային անվտանգության ռազմավարության համաձայն, ծնելիության ցածր մակարդակը Հայաստանի ազգային անվտանգության սպառնալիքներից է: 2003-ին ՀՀ կառավարությունը որոշում է ընդունել 2003-2015թթ. Մոր և մանկան առողջության պահպանության ռազմավարության հաստատման մասին, որում, մասնավորապես , ասվում է. «Մայրական և վերարտադրողական առողջության բարելավմանն ուղղված ծրագրերի մեջ մտնում է աբորտների դեմ պայքարը, այդ թվում՝ արհեստական վիժումների կանխումը, ժամանակակից հակաբեղմնավորիչ միջոցների խրախուսումը, առողջ սեռական կյանքի քարոզչությունը»: Ռազմավարության նպատակներից է՝ մինչև 2015-ը նվազեցնել արհեստական վիժումների մակարդակը մինչև 30 տոկոս:

2010թ. Հայաստանի տեղեկատվական տեխնոլոգիաների ոլորտում գրանցվել է 15 տոկոս աճ նախորդ տարվա համեմատ, ընդ որում ՏՏ մասնաբաժինը Հայաստանի ՀՆԱ-ում կազմել է 1.7 տոկոս: Այդ մասին PanARMENIAN.Net ի թղթակցին են հայտնել ՀՀ էկոնոմիկայի մամլո ծառայությունում: Միևնույն ժամանակ, շրջանառությունը ՏՏ ոլորտում կազմել է 150 մլն դրամ, ինչը 15,3 տոկոսով ավելի է նախորդ տարվա նույն ցուցանիշի համեմատ (129,9 մլն դոլար): Հայաստանում ՏՏ ոլորտում զբաղվածների թիվը, ըստ պաշտոնական տվյալների, կազմում է շուրջ 5 հազար մարդ, այդ ոլորտում գործում է 197 ընկերություն: Մինչդեռ, ՏՏ ոլորտի զարգացմանը 2011թ. հատկացվել է նույնքան, որքան 2010թ.՝ 80 մլն դրամ: 2009-ին այդ ոլորտին կառավարությունը հատկացրել է 200 մլն դրամ:

Վեյկ ան Զեեում ավարտվել է ավանդական շախմատային փառատոնը: Լևոն Արոնյանը գլխավոր մրցաշարում լրացուցիչ արդյունքներով զբաղեցրել է 3-րդ տեղը, Մագնուս Կարլսենը, որն Արոնյանի նման ուներ 8 միավոր, զբաղեցրել է 4-րդ տեղը: Մրցաշարի առաջատարը 9 միավորով դարձել է Հիկարու Նակամուրան (ԱՄՆ), 2-րդ տեղում 8.5 միավորով Վիշվանաթան Անանդն է (Հնդկաստան):

Հայաստանի անցյալ շաբաթվա մշակութային կյանքը նշանավորվեց վառ իրադարձություններով, որոնք կապված էին ԱՄՆ, Ռուսաստանի և Ուկրաինայի շոու բիզնեսի և մշակույթի ոլորտի իրադարձությունների հետ: