Հետախույզ-ինքնաթիռները սովորաբար թռչում են բարձր արագությամբ և պարտադիր չէ, որ նրանք խախտեն մեկ այլ պետության սահմանը՝տեղանքը նկարահանելու համար: Այնուամենայնիվ, ադրբեջանական անօդաչու ինքնաթիռը, ավելի ճիշտ նա, ով կառավարում էր այն, որոշել էր «վախեցնել» արցախցիներին: Բայց Բաքուն չէր ենթադրում, որ ԼՂՀ ՀՕՊ-ը կարող է ոչնչացնել հետախույզ-ինքնաթիռը:

Ընթացիկ ամսվա սկզբին Fitch Ratings գործակալությունը հաստատել է Հայաստանի էմիտենտի դեֆոլտի երկարաժամկետ վարկանիշը BB- մակարդակի վրա՝ կանխատեսումը «կայուն»: Fitch Ratings միջազգային վարկանիշային գործակալության զեկույցում Հայաստանի պետական պարտքը գնահատվում է որպես կառավարելի, բնորոշ նմանատիպ խմբի երկրների համար: Չնայած, որ այն աճել է վերջին երկու տարում, սակայն, գործակալությունը նրա հետագա կառավարման հետ կապված խնդիրներ չի տեսնում: 2011թ. հունիսի 30-ի դրությամբ Հայաստանի ընդհանուր պետական պարտքը կազմում է 1455,4 մլրդ դրամ, որից արտաքին պարտքը կազմում է 1269,8 մլրդ դրամ, ներքին պարտքը՝ 185,6 մլրդ դրամ:

Հուլիսի 19-ին Պյատիգորսկում (Ռուսաստան) ավարտվեց Հյուսիսկովկասյան երկրորդ երիտասարդական համաժողովը՝ «Մաշուկ 2011», որը երկու շաբաթով միավորեց գրեթե 2.5 հազար երիտասարդների ՌԴ Հյուսիսային Կովկասի սուբյեկտներից, ինչպես նաև Հայաստանից, Ադրբեջանից, Վրաստանից, Ուկրաինայից, Աբխազիայից և Հարավային Օսեթիայից ժամանած հյուրերի: Եվրասիական հետազոտություների հայկական մասնաճյուղի շնորհիվ առաջին անգամ համաժողովի աշխատանքին մասնակցեց պատվիրակություն Հայաստանից, որի կազմում էին բլոգեր Տիգրան Սարգսյանը, PanARMENIAN.Net-ի թղթակից Հայկ Խալաթյանը և Հայաստանում Ռոսհամագործակցության աշխատակից Եկատերինա Ժիրենկոն:

Աշխատանքային հայտարարություններ տարածող կայքերի քանակը Հայաստանում վերջին մի քանի տարիներին ավելացել է և շարունակում է ավելանալ։ Թե որքանով են օգտակար և հարմարավետ այս կայքերը թե՛ աշխատանք փնտրողի, թե՛ գործատուի համար, պարզել է PanARMENIAN.Net-ի թղթակիցը։