Ղարաբաղաադրբեջանական հակամարտության տարիներին Բաքվում հայտնվել են «ավանդույթներ», որոնցից գլխավորը՝ սադրանքները և անկայունությունը ԼՂՀ ՊԲ և Ադրբեջանի ԶՈւ շփման գծում: Ընդ որում, ադրբեջանցի դիպուկահարների ակտիվությունն այն ժամանակ է բարձրանում, երբ տարածաշրջան են ժամանում գերտերությունների ղեկավարներ կամ ընթանում է հանդիպում Հայաստանի և Ադրբեջանի նախագահների միջև: Ադրբեջանն այս անգամ էլ չդավաճանեց իր սկզբունքներին և հերթական դեպքը սադրեց սահմանին Ֆրանսիայի նախագահի այցելության առիթով: Քանի դեռ Իլհամ Ալիևը հույսը դրել է գազի վրա, որով կարող է լցնել Nabucco-ն, ինչը կլանի հերթական «վարդագույն» երազանքն է և ոչ մի ընդհանուր բան չունի իրականության հետ, նա գործելու է շանտաժի և սպառնալիքի միջոցով: Ահա և հիմա, hոկտեմբերի 5-ին` ժամը 12:50-ի սահմաններում, Տավուշի մարզի Չինարի գյուղի ուղղությամբ տեղակայված մարտական հենակետում հակառակորդի դիպուկահար կրակից տարբեր աստիճանի հրազենային վիրավորում են ստացել ՀՀ զինված ուժերի ժամկետային զինծառայողներ Հենրիկ Խաչատրյանը (ծնված 1992թ., Ախուրյանի զինկոմիսարիատ) և Խաչատուր Սուքիասյանը (ծնված 1992թ., Մարտունու զինկոմիսարիատ): Կատարվում է հետաքննություն:

Ինչպես արդեն հայտնի է, Երևանում ճանաչված ճարտարապետ Ռաֆայել Իսրայելյանի տունը հիմնահատակ ավերված է: Ճարտարապետի տան տեղը վեր է խոյանալու հերթական հյուրանոցը: Ինտերնետի հայկական սեգմենտում վրդովմունքի ալիք բարձրացավ, Facebook սոցիալական ցանցում վանդալիզմի հակառակորդների խումբ ստեղծվեց, նույն Facebook-ում Երևանի քաղաքապետ Կարեն Կարապետյանի էջում հայտնվեցին կոչեր` դադարեցնելու Հայաստանի համար այդքան բան արած մարդու տան ոչնչացումը, սակայն ապարդյուն: Վերացավ ևս մեկ հայ երախտավորի հետքը, ով այդքան ահռելի ներդրում է ունեցել Հայաստանը շենացնելու գործում:

Հանգստյան օրերին Հունաստանի կառավարությունը հայտարարեց որ, ի վիճակի չէ նվազեցնել իր ծախսերը` համաձայն օտարերկրյա վարկառուների հետ պայմանավորվածության: Իսկ վերջինները, Աթենքին հաջորդ տրանշ տրամադրելու հարցը կասկածի տակ են դնում: Համապատասխանաբար, ներդրողները սկսեցին վաճառել բոլոր հնարավոր եվրոպական ակտիվները, քանի որ հունական դեֆոլտի վտանգը դարձավ ավելի քան հնարավոր: Այդ մասին ասվում է FOREX CLUB-ի վերլուծաբան Բորիս Վերդյանի հոդվածում:

2011-ի մարտի 28ին Վրաստանի տարածքում Մցխեթայի շրջանում Հայաստան եկող ինտերնետ մալուխները կտրվել էին։ Ինչպես հետագայում հայտնեցին, 75 ամյա վրացի տատիկը պղինձ փնտրելու նպատակով հողը փորելիս վնասել էր մալուխը։ Կնոջը բերման ենթարկեցին և հարուցեցին քրեական գործ։ Սա այս տարի Հայաստան եկող ինտերնետային մալուխների վթարներից ամենախոշորն էր, որին հաջորդեց ևս մի դեպք, այս անգամ Հայաստանի տարածքում։ Այս երկու վթարների արդյունքում Հայաստանի մեծ մասը զրկվել էր ինտերնետից։

Սեպտեմբերի 23-ին Երևանում տեղի ունեցավ ընդդիմադիր ՀԱԿ հանրահավաքը, որը հերթական անգամ հավաքեց արդեն ավանդական դարձած մի քանի հազար ցուցարարների, սակայն տեղի ունեցած հանրահավաքում ավելի կարևոր էին ՀԱԿ ղեկավարների ելույթները, մասնավորապես, նրա առաջնորդ Լևոն Տեր-Պետրոսյանի: ՀԱԿ առաջնորդն իր ելույթում մի շարք ուղերձներ հղեց ինչպես համաշխարհային հանրությանը, այնպես էլ Հայաստանի իշխանություններին և հասարակությանը:

Մեկուկես տարում Հայաստանի հավաքականի 37-ամյա մարզիչ Վարդան Մինասյանը ստեղծեց համերաշխ և կուռ թիմ, որը միշտ, դուրս գալով խաղադաշտ, ցուցաբերում է իսկական թիմային խաղ: Մարզչի մոտ նկատվում է առաջընթաց ապրելու և թիմն իր ետևից տանելու ցանկություն:

Հայաստանի մշակույթի նախարարության ենթակայության տակ այսօր գործում է երեք կառույց, որոնք զբաղվում են Հայաստանում հուշարձանների պահպանությամբ: Նրանց աշխատանքի բնույթը պրակտիկորեն չի տարբերվում: Բոլոր երեք կառույցներն էլ «պահպանում են» ՀՀ տարածքում գտնվող հուշարձանները: Ըստ ՀՀ օրենքի, այդ կառույցների կողմից պահպանվում են միայն այն հուշարձանները, որոնք գտնվում են ՀՀ պատմության և մշակույթի անշարժ հուշարձանների պահպանության պետական ցուցակում: Այսինքն, եթե որևէ արձան չի մտնում այդ ցուցակի մեջ, ապա այն չի կոչվում հուշարձան և չի վերահսկվում նրանց կողմից: