  Բնական աղետներ. Հետևեք կենդանիների վարքագծինՈրսկան շան համեմատ, մարդը գործնականում զրկված է հոտառությունից, չղջիկի համեմատ` խուլ է, ի տարբերություն միջատների ունակ չէ զգալ էլեկտրամագնիսային դաշտերը Կենդանիների համեմատ մարդը բավականին «խեղված» էակ է զգայարանների տեսակետից: Մենք տեսողության մակարդակով չենք ընկալում ուլտրամանուշակագույն ճառագայթները և բևեռացված լույսը: Մարդը խուլ է ուլտրաձայների և ինֆրաձայների դեպքում, թեև դրանց ազդեցությունը մարդու վրա մեծ վտանգներով է հղի:  3 դեկտեմբերի 2015PanARMENIAN.Net - Որսկան շան համեմատ, մարդը գործնականում զրկված է հոտառությունից, չղջիկի համեմատ` խուլ է, ի տարբերություն միջատների ունակ չէ զգալ էլեկտրամագնիսային դաշտերը: Ի դեպ, և մարդու, և կենդանիների նյարդային համակարգը ֆիլտրեր ունի, որոնք դեպի օրգանիզմի զգայուն համակարգեր են բաց թողնում միայն ազդանշանների մի մասը: Եվ դա նյարդային համակարգի օգտակար գծերից է: Յուրաքանչյուր կենսաբանական համակարգի համար բնությունը «հավաքել է» գոյատևման ամենաօպտիմալ տարբերակները: Մարդու մոտ գերզգայունության բացակայությունը 5 զգայարաններում լրացվում է հզոր մտավոր գործունեությամբ: Դա, իհարկե, չի նշանակում, որ մարդն ընդհանրապես զուրկ է բնական երևույթները կանխազգալու ունակությունից, բոլորովին` ուղղակի այս հարցում նա չի կարող մրցել կենդանիների հետ, որոնք բնական կենսաինդիկատորներ են: Կենդանիների «տեխնիկական» հագեցումը հնարավորություն է տալիս նրանց շրջակա միջավայրի, մարդկանց մասին շատ ավելի տեղեկություններ ստանալ: Նրանք գերազանց են լսւոմ, մեծ տարածության վրա որսում են վտանգավոր վիբրացիաները և զգում են մթնոլորտային ճնշման նույնիսկ աննշան տատանումները, ինչը հնարավորություն է տալիս նրանց ժամանակին անվտանգ վայր հեռանալ: Փաստ. Վաղուց է հայտնի, որ վայրի կենդանիներն ավելի հաճախ ու հստակ են արձագանքում մոտալուտ աղետին: Դա բացատրվում է վերջիններիս ընտելացմամբ: Ընտելացումն, իր հերթին, արգելքների համակարգ է, որը զուգորդվում է նաև ընտանի կենդանիների որոշակի փափկասունությամբ: Գիտնականները պարզել են, որ շատ կենդանիներ կարող են լսել մոտալուտ բնական աղետի ինֆրաձայնային ազդանշանները: Ուժեղ փոթորիկը, որը տեղի ունեցավ 2014-ի ապրիլին ԱՄՆ-ում, ստիպեց կենսաբաններին մտածել թռչունների վարքագծի մասին, որոնք փոթորկից 2 օր առաջ լքել էին վտանգավոր տարածքը: Հատկանշական է, որ ապրիլին թռչունները նոր էին վերադարձել Կոլումբիայից` հաղթահարելով գրեթե 5 հազար կմ, սակայն սովից ու հոգնածությունից վախճանվելու ռիսկը թռչունների համար պակաս կարևոր էր, քան փոթորկին զոհ գնալու վտանգը: Սկզբում գիտնականները ենթադրեցին, որ թռչունները զգացել էին մոտալուտ փոթորիկը բազում մետեոազդանշանների շնորհիվ` մթնոլորտային ճնշման, ջերմաստիճանի, քամու արագության, ամպային ծածկույթի փոփոխությունները: Սակայն, վերլուծելով եղանակային պայմանները` հետազոտողները եկան այն եզրակացության, որ փոթորկից առաջ այդ գործոնները չեն փոխվել: Գիտնականները ենթադրեցին, որ տորնադոն ինֆրաձայնային ալիքներ է առաջացնում, որոնք առաջ են անցնում հազարավոր կիլոմետրերով` հենց այդ պատճառով թռչունները շուտ էին իմացել մոտալուտ փոթորկի մասին: Ինֆրաձայնային են համարվում 20 Հերց հաճախականությունից ցածր ակուստիկ ալիքները: Այդ հաճախականությունը մարդու ականջը չի կարող ընկալել` ի տարբերություն թռչունների և այլ կենդանիների: Հրաբուխների ժայթքումը, ցունամիի հարվածներն ու միջուկային պայթյունները նույնպես ինֆրաձայնային ալիքներ են ստեղծում, որոնք տարածվում են հազարավոր կիլոմետրերով: Ի դեպ, միջուկային ռումբի պայթյունից առաջացող ալիքներն անցնում են Երկիր մոլորակի ամբողջ մակերեսով: Այդ պատճառով աշխարհում միջուկային փորձարկումների համընդհանուր արգելման մասին պայամանգրի խախտումներին հետևելու համար ստեղծվել է ինֆրաձայնային ցուցիչների ցանց: Իր հետազոտության մեջ կենսաբանները հաստատում են թռչունների և կենդանիների կարևոր դերը բնական աղետների կանխատեսման գործում: PanARMENIAN.Net / Tsets Հղումներ թեմայով.  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Այլ հոդվածներ Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
