  Սպորտն ու գենետիկան. Ինչպե՞ս են սպորտային վարժություններն ազդում գեների վրաՎերջերս հայտնի դարձավ, որ սպորտը բարենպաստ ազդեցություն է ունենում նաև գեների վրա: Այսպիսի եզրակացության է եկել Շվեդիայի Կարոլինայի ինստիտուտի հետազոտողների խումբը Այն, որ սպորտային վարժություններն օգտակար են, բոլորին է հայտնի: Դրանք բարելավում են սիրտանոթային համակարգի գործունեությունը, կարգավորում են փոխանակման գործընթացները և շաքարի պարունակությունն արյան մեջ, կայունացնում են արյան ճնշումը, բարձրացնում են կոփվածությունը և օրգանիզմի դիմադրողականությունը:  7 դեկտեմբերի 2015PanARMENIAN.Net - Սակայն, վերջերս հայտնի դարձավ, որ սպորտը բարենպաստ ազդեցություն է ունենում նաև գեների վրա: Այսպիսի եզրակացության է եկել Շվեդիայի Կարոլինայի ինստիտուտի հետազոտողների խումբը: Ըստ հետազոտության ղեկավար Մալե Լինդհոլմի, ֆիզկուլտուրայով սիստեմատիկ զբաղվելն առաջին հերթին հանգեցնում է գեների գործառույթների փոփոխության` այսպես կոչված էպիգենետիկ փոփոխությունների: Արդյունքում ակտիվանում են որոշակի գեներ, մյուսները, հակառակը` պասիվ են դառնում: Էպիգենետիկ փոփոխությունները հանգեցնում են ԴՆԹ-ի մեթիլավորման: Դա ածխածնի 1 ատոմից և ջրածնի 3 ատոմից բաղկացած մեթիլային խմբի միացությունն է ԴՆԹ մոլեկուլի հետ: Առողջ ապրելակերպը չի կարող փոխել գենետիկ ինֆորմացիայի պարունակությունը, սակայն կարղ է ակտիվացնել կամ ապակտիվացնել որոշակի գեներ: Այլ կերպ ասած, այդ գործընթացն ազդում է գեների աշխատանքի վրա` այսպես կողչված էքսպրեսիայի (ակտիվության) վրա: Մեթիլային խմբերը կարող են ինչպես միանալ, այնպես էլ անջատվել` գեները առավել կամ պակաս արձագանքող դարձնելով մարմնի կենսաքիմիական ազդանշաններին: Իսկ երբ գեներն ակտիվ են, նրանք սպիտակուց են սինթեզում, ինչն այս կամ այն ֆիզիոլոգիական ռեակցիան է առաջացնում ամբողջ օրգանիզմում: Շվեդիայի գիտնականներին հաջողվել է հասկանալ, թե ինչպես են կապված ֆիզկուլտուրան և մեթիլավորումը: Փորձին մասնակցել է 23 երիտասարդ` տղամարդիկ և կանայք, որոնց հանձնարարվել էր 3 ամիս շարունակ մարզել հեծանիվ մարզասարքի վրա միայն մեկ ոտքը: Մարզումների նման սպեցիֆիկ սխեմա էր կիրառվել, քանի որ 2 ոտքն ամեն դեպքում կազդեր մեթիլավորման սխեմայի վրա հետազոտության սուբյեկտների ապրելակերպի հաշվին, այն դեպքում, երբ պեդալները գործի դնող միայն մեկ ոտքը ցույց է տալիս հենց այն փոփոխությունները, որոնք կապված են վարժությունների հետ, ասվում է հետազոտության մեջ: Էքսպերիմենտի մասնակիցներին հետազոտել են մարզումներից առաջ և 3 ամիս անց: Հետազոտման արդյունքները ցույց տվեցին, որ մկանային բջիջների գեների 5 հազար հատվածում մեթիլավորման սխեմաները բարելավվել են: Ակտիվացել է սպիտակուցի սինթեզումը, փոխվել է մետաբոլիզմը, էներգետիկ բալանսը, նվազել են բորբոքային երևույթները մկաններում: Այդպիսով մարդիկ ավելի առողջ են դարձել: PanARMENIAN.Net / Tsets  Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում    Ուշադրության կենտրոնում Բաժնի այլ նյութերըEasy ֆուտբոլ՝ մեծ էկրանին  Դարձիր «12-րդ խաղացող» Անգլիական այգում, երկրպագիր մերոնց մաքուր օդինՈւղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռուԲրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
