  ԱՄՆ Կոնգրեսի 106-րդ բանաձեւը Ցեղասպանության մասին կարժանանա նույն ճակատագրին, ինչ նախորդները՞Թուրքիայի վարչապետի վերջին արտահայտությունները ԱՄՆ-ի հասցեին կասկած չեն թողնում, որ եթե բանաձեւն ընդունվի Ներկայացուցիչների պալատի կողմից, դա շատ լուրջ հարված կհասցնի թուրք-ամերիկայն հարաբերություններին Հայ համայնքը հասավ գրեթե անհնարին: Հայոց ցեղասպանությունը հաստատող եւ ԱՄՆ նախագահին ապրիլի 24-ի իր ամենամյա ելույթում «ցեղասպանություն» բառն օգտագործել պարտադրող 106-րդ բանաձեւին սատարում են Ներկայացուցիչների պալատի 218 անդամներ: Այդպիսով, առկա է բանաձեւի վերաբերյալ քվեարկության համար կոնգրեսականների անհրաժեշտ քանակը: «Մենք ողջունում ենք բանաձեւին աջակցող 218 կոնգրեսականներին եւ մեր երախտագիտությունն ենք հայտնում կոնգրեսական Ադամ Շիֆին եւ իր գործընկերներին, որոնք օգնեցին մեզ հասնել նման արդյունքի: Մենք հուսով ենք, որ մեր բաժանմունքները հաջողությամբ կշարունակեն բանաձեւին աջակցող օրենսդիրների քանակի ավելացմանն ուղղված աշխատանքը, փաստաթուղը ժամանակին ընդունելու համար»,-նշել է Ամերիկայի Հայ Դատի հանձնախմբի գործադիր տնօրեն Արամ Համբարյանը:  7 հուլիսի 2007PanARMENIAN.Net - Իր հերթին բանաձեւի հեղինակ Ա.Շիֆը Կալիֆորնիայից նշեց, որ 218 կոնգրեսականները ցույց տվեցին, որ Ներկայացուցիչների պալատի մեծամասնությունը ճանաչում է Հայոց ցեղասպանությունը: «Երբ դեռեւս ողջ են Հայոց ցեղասպանությունը վերապրածները, մենք գիտակցում ենք, որ անհապաղ պետք է ուշադրություն հրավիրել մի ողջ ժողովուրդ ոչնչացնելու փորձի վրա: Պատմության մութ էջերի ժխտումը խոչընդոտում է առավել արդյունավետ քայլերի ձեռնարկմանը Դարֆուրում շարունակվող ցեղասպանության դեմ»,-ընդգծել է Շիֆը: 2007 թվականի հունվարի 30-ից ի վեր, երբ կոնգրեսական Շիֆը կոնգրեսականներ Ջորջ Ռադանովիչի եւ ԱՄՆ Կոնգրեսի Հայաստանին աջակցող խմբի համանախագահներ Ֆրենկ Փալոնեի եւ Ջո Նոլենբերգի հետ համատեղ քվեարկության դրեցին 106-րդ բանաձեւը Ներկայացուցիչների պալատում, ANCA-ն հսկայական աշխատանք կատարեց: Բազում հանդիպումներ կազմակերպվեցին կոնգրեսականների հետ, երկու քարոզարշավ անցկացվեց` «Clik for Justice» եւ «Call for Justice» ի պաշտպանություն 106-րդ բանաձեւի: Մի խոսքով, ամեն ինչ ինչպես միշտ հաջող է դասավորվում, եւ Թուրքիայում կայանալիք խորհրդարանական ընտրություններից հետո, ոչ ավելի շուտ, բանաձեւը կարող է քվեարկության դրվել: Սակայն ամեն ինչ չէ, որ հարթ է, ինչպես ցանկանում է ԱՄՆ-ի հայ համայնքը: Առաջին հերթին, եւ դա ամենակարեւորն է, Թուրքիայի գործոնը շատ լուրջ դերակատարություն ունի: Թուրքիայի վարչապետ Էրդողանի վերջին արտահայտությունները ԱՄՆ-ի հասցեին կասկած չեն թողնում, որ եթե բանաձեւն ընդունվի Ներկայացուցիչների պալատի կողմից, դա շատ լուրջ հարված կհասցնի թուրք-ամերիկայն հարաբերություններին: Երկրորդը, Կոնգրեսը մինչեւ սեպտեմբեր արձակուրդ է գնում, որի ընթացքում, շատ հավանական է, որ Երեւան կժամանի դեսպան Ռիչարդ Հոգլանդը, որին այդ պաշտոնում չեն ցանկանում տեսնել ԱՄՆ-ի հայերը, սակայն նրա թեկնածությանը հավանություն է տվել ՀՀ կառավարությունը: Նշանակման երկրի կառավարության եւ համայնքի, նույնիսկ շատ ուժեղ, միջեւ ընտրությունը ի օգուտ առաջինի կլինի: Մյուս կողմից, ըստ ՀՀ փոխարտգործնախարար Արման Կիրակոսյանի, Հայոց ցեղասպանության հնարավոր ընդունումը ԱՄՆ-ի կողմից, եթե նման բան կատարվի, չի նշանակում թե այն ինքնաբերաբար կճանաչվի Թուրքիայի կողմից: «Ես կարծում եմ, որ քվեարկությունից առաջ վերջին պահին Կոնգրեսում հեռախոսազանգ կհնչի Սպիտակ տնից եւ 106-րդ բանաձեւը կմերժվի: Եվ դա չնայած արդեն հավաքված կոնգրեսականների 218 ձայնին: Եթե Սպիտակ տունը գտնի, որ 106-րդ բանաձեւը սպառնում է Ամերիկայի ազգային անվտանգությանը, ապա ոչ ոք նրա օգտին չի քվեարկի: Նման բան արդեն եղել է 2000 թվականին: Պետք չէ նաեւ մոռանալ, որ Թուրքիան մնում է ԱՄՆ-ի միակ հավատարիմ դաշնակիցը տարածաշրջանում: Այդ հարցում ոչ մի տարբերություն չկա դեմոկրատների եւ հանրապետականների միջեւ»,-ասել է Հայաստանի փոխարտգործնախարարը:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Fastex-ը Երևանում է հյուրընկալում 5-րդ Harmony Meetup-ի web3 մասնագետներին Պանելային քննարկումների կարմիր թելը «կենտրոնացած է ապակենտրոնացման» վրաԱկբա Լիզինգը գլխամասային նոր գրասենյակ ունի Գլխամասային գրասենյակն ունի անհատական ավտոկայանատեղի, գործնական հանդիպումների համար սրահներԲաքուն «անհիմն և անարդար» է անվանել ԵԽ Խոշտանգումների կանխարգելման կոմիտեի հայտարարությունը Ըստ Բաքվի՝ Կոմիտեն աննախադեպ որոշում է կայացրել՝ հրապարակելով զեկույցն առանց Ադրբեջանի համաձայնությանUcom-ի գլխավոր տնօրենը մասնակցել է Silicon Mountains Shirak տեխնոլոգիական ֆորումին Յիրիկյանի ելույթի թեման էր «Մարդկայինը կամ թվայինը, ո՞րն է առաջնահերթ» |
