Սմբատ Մարգարյանն ու Վլադիկ Կարապետյանը դարձան ծանրամարտի Եվրոպայի պատանիների առաջնության չեմպիոններ

PanARMENIAN.Net - Երկրորդ ոսկին 62 կգ քաշային կարգում նվաճեց Վլադիկ Կարապետյանը: Կարապետյանը: «Հրում» վարժությունում Կարապետյանը բարձրացրեց 141 կգ` երկամարտի արդյունքում հավաքելով 253 կգ և դարձավ Եվրոպայի չեմպիոն:

Մայիսի 17-23-ը Վալենսիայում (Իսպանիա) ընթանում է ծանրամարտի Եվրոպայի պատանեկան առաջնությունը: Հայաստանն առաջնությունում ներկայացնում են 10 ծանրորդներ: Հայաստանի հավաքականի միակ կին ներկայացուցիչ Իզեբելլա Յալյանը (53 ք/կ) ելույթ է ունեցել մայիսի 19-ին: Նա երկամարտի արդյունքում կարողացավ բարձրացնել 163 կգ և նվաճեց արծաթե մեդալ: «Պոկում» վարժությունում Յալյանը բարձրացրեց 72 կգ-անոց ծանրաձողը, իսկ «հրում» վարժությունում` 91 կգ: Նա չեմպիոն Ալյոնա Չիչկանին (Բելառուս) զիջեց 12 կգ-ով: Ֆուտբոլ. Հայաստանի ազգային հավաքականի մարզչական շտաբը` Վարդան Մինասյանի գլխավորությամբ, հրապարակեց հավաքականի ընդլայնված կազմը, որը կնախապատրաստվի մայիսի 25-ին կայանալիք Հայաստան-Ուզբեկստան ընտրական հանդիպմանը: Մայիսի 21-ից թիմը կանցկացնի ուսումնամարզական հավաք: Մայիսի 19-ին Հայաստանի ֆուտբոլի երիտասարդական հավաքականը մեկնեց Էստոնիա, որտեղ մայիսի 20-ին 2011թ. Եվրոպայի առաջնության ընտրական մրցաշարի շրջանակներում կխաղա Էստոնիայի հավաքականի հետ: Մայիսի 18-ին հավաքականի գլխավոր մարզիչ Ֆ.Սերիցլևը հրապարակել է հավաքականի կազմը, որտեղ ընդգրկվել է 18 ֆուտբոլիստ: Սակայն վերջին մարզմանը կիսապաշտպան Արտակ Դաշյանը վնասվածք ստացավ և հնարավոր է, որ չկարողանա խաղալ էստոնացիների հետ: 8-րդ տուրի մյուս խաղերը` «Բանանց»-«Միկա», «Գանձասար»-«Կիլիկիա» և «Ուլիս»-«Իմպուլս», տեղի կունենան մայիսի 15-ին: Տուրի կենտրոնական խաղում «Բանանցը» Վազգեն Սարգսյանի անվան հանրապետական մարզադաշտում ընդունել է «Միկային»: Խաղն ավարտվել է «Բանանցի» հաղթանակով 2:0 հաշվով: 53-րդ և 85-րդ րոպեներին երկու գոլի հեղինակ է դարձել բրազիլացի հարձակվող Էդուարդո դո Սանտոսը: «Ուլիսը» նույն հաշվով հաղթել է «Իմպուլսին»: Գոլեր են խփել Վալերի Ալեքսանյանը և Արտյոմ Ադամյանը: 8-րդ տուրից հետո Բարձրագույն լիգայի աղյուսակը 20 միավորով գլխավորում է «Փյունիկը»: «Բանանցը» և «Ուլիսը» 17 միավորով համապատասխանաբար զաբղեցնում են 2-րդ և 3-րդ տեղերը: Բռնցքամարտ. Թեթևագույն քաշային կարգում WBC/WBA վարկածով աշխարհի չեմպիոն, հայ բռնցքամարտիկ Վիկ Դարչինյանը (34-2-2, 27 KOs) իր մոտակա մենամարտը կանցկացնի ֆիլիպինցի Էրիկ Բարսելոնայի հետ (51-17-4, 19 KOs ): 12 ռաունդից կազմված թեթևքաշային կարգում IBO վարկածով թափուր տիտողսի համար մենամարտը նախատեսված է անցկացնել մայիսի 20-ին, Սիդնեյում: Դարչինյանը վստահ է, որ հաղթելու է: «Ես նրան երբեք չեմ տեսել մենամարտելիս, բայց լսել եմ, որ նա կանգ չի առել իր 70 մենամարտերի ընթացքում,, - ասել է Դարչինյանը:- Ես վստահ եմ, որ լավ մենամարտ է լինելու: Ես շատ լավ մարզական նախապատրաստում եմ անցել և լավ մարզավիճակում կլինեմ այդ մենամարտի ժամանակ»: Մայիսի 20-ին Հայաստանի բռնցքամարտի հավաքականը Կիև կմեկնի (Ուկրաինա), որտեղ Կոնչա-Զասպա Օլիմպիական բազայում վերջին ուսումնամարզական հավաքը կանցկացնի նախքան հունիսի 4-13-ը Մոսկվայում կայանալիք Եվրոպայի առաջնության մեկնարկը: Հայաստանի հավաքականի գլխավոր մարզիչ Ռաֆայել Մեհրաբյանը PanARMENIAN.Net ի թղթակցին հաղորդել է, որ Հայաստանի հավաքականի հետ համատեղ հավաքներ կանցկացնեն նաև Ռուսաստանի, Ֆրանսիայի ու Հունգարիայի հավաքականները: «Հնարավոր է, որ մեզ միանա նաև Թուրքիայի հավաքականը: Այնտեղ մենք կմնանք մինչև հունիսի 2-ը և ապա կմեկնենք Մոսկվա: Հավաքներին հայկական հավաքականի կազմում կմասնակցեն 11 բռնցքամարտիկներ, որոնք ելույթ կունենան Եվրոպայի առաջնությանը»,- ընդգծել է Մեհրաբյանը: Երևանի Օլիմպիական հերթափոխի պետական սպորտային քոլեջում մայիսի 13-ին մեկնարկել է ՀՀ բռնցքամարտի պատանեկան առաջնությունը, որին մասնակցում է 170 բնռցքամարտիկ Հայաստանի բոլոր մարզերից: Մայիսի 16-ին տեղի կունենան առաջնության եզրափակիչ մենամարտերը: Մինչ առաջնությունը, բռնցքամարտիկները մասկացեցին քաղաքային առաջնություններին: Հաղթողները նվաճեցին ՀՀ առաջնությանը մասնակցելու իրավունք: «Առաջնության ավարտից հետո կձևավորվի հավաքականը, որը հուլիսի 19-25-ին Յամբուրգում կմասնակցի Եվրոպայի առաջնությանը»,-հայտնել է ՀՀ բռնցքամարտի պատանեկան հավաքականի ավագ մարզիչ Արման Հարությունյանը PanARMENIAN.Net ի թղթակցին: Շախմատ. PanARMENIAN.Net - Աստրախանում (Ռուսաստան) մայիսի 19-ին կայացել է տղամարդկանց շախմատի Գրան պրիի վերջին փուլի 9-րդ տուրը: Հայ գրոսմայստեր Վլադիմիր Հակոբյանն այդ փուլում ոչ ոքի է խաղացել Ռուսլան Պոնոմարյովի հետ (Ուկրաինա): Ոչ ոքիից հետո Հակոբյանը հավաքել է 3.5 միավոր: Մրցաշարային աղյուսակում նա զբաղեցնում է վերջին` 14-րդ տեղը: Պոնոմարյովը 4.5 միավորով 8-րդ տեղում է: Գրան պրիի առաջատարը Պավել Էլյանովն է (Ռուսաստան): Նա ունի 5.5 միավոր: Իսկ Վարուժան Հակոբյանը, Մելիքսեթ Խաչիյանն ու Լևոն Ալթունյանը Սենտ Լուիսում մասնակցում են ԱՄՆ առաջնությանը: 6-րդ տուրում Հակոբյանը կիսել է միավորները Ալեքս Երմոլենսկու, Խաչիյանը` Դմիտրի Գուրևիչի հետ, իսկ Ալթունյանը զիջեց Ռոբերտ Գեսին: Հակոբյանը 3,5 միավորով 6-րդ տեղում է, Խաչիյանը` 2 միավորով 20-րդ տեղում է, իսկ Ալթունյանը` 1,5 միավորով 24-րդ տեղում է:

Թենիս. Մայիսի 10-15 Հունաստանում տեղի ունեցավ տղամարդկանց Դևիսի գավաթի եվրո-աֆրիկյան գոտու 3-րդ ենթախմբի թիմային առաջնությունը: «B» խմբում ՀՀ հավաքականի մրցակիցներն էին Անդորայի, Ալբանիայի, Հունաստանի, Մոլդովայի, Չերնոգորիայի ու Սան Մարինոյի հավաքականները: ՀՀ հավաքականը (Հարություն Սոֆյան, Աշոտ Գևորգյան, Խաչատուր Խաչատրյան և Կարո Փամբուկյան) 3 հաղթանակ տարավ, 3 պարտություն կրեց և կարողացավ պահպանել իր տեղը 3-րդ խմբում: Արգենտինահայ թենիսիստ Դավիթ Նալբանդյանը չի մասնակցի սեզոնի «Մեծ սաղավարտի» շարքի երկրորդ` «Ռոլան Գարոսի» մրցաշարին: Նալբանդյանը բաց կթողնի մրցաշարը ձախ ոտքի վնասվածքի պատճառով: Նա երկու անգամ հասել է Ֆրանսիայի բաց առաջնության կիսաեզրափակիչ` 2004 և 2006 թվականներին: Ըստ Նալբանդյանի, նա հուսով է լիովին վերականգնվել և մասնակցել Ուիմբլդոն-2010-ին: Ուիմբլդոնը մեկնարկում է Անգլիական Լաուն թենիսի ակումբի կորտերում հունիսի 21-ին: 2002թ. Նալբանդյանն Ուիմբլդոնում հասավ եզրափակիչ, սակայն զիջեց ավստրալացի Լլեյթոն Հյուիթին: Բասկետբոլ. Մայիսի 14-ին մեկնարկում է բասկետբոլի բարձրագույն լիգայի կանանց և տղամարդկանց Հայաստանի առաջնությունը: Բացման արարողությունը տեղի կունենա «Միկա» մարզահամալիրում: Կանանց առաջնությունում հանդես կգան հետևյալ թիմերը` «Հատիս», «Գրանդ քենդի», «Արցախ», «Էրեբունի», «Գյումրի» և «ԳՄՀ» (Գյումրու մանկավարժական համալսարան): «Մալաթիա», «Էջմիածին», «Պոլիտեխնիկ», «Հատիս», «Արցախ» և «Գյումրի» թիմերը հանդես կգան տղամարդկանց մրցախաղերում: Համահայկական խաղեր. Մայիսի 15-ին Երևանում կայացավ 2010թ. Համահայկական խաղերի միջազգային կոմիտեի գործկոմի առաջին նիստը: Նիստին ներկա էին Կոմիտեի նախագահ Արմեն Գրիգորյանը, սպորտի և երիտասարդության հարցերով նախարար Արթուր Պետրոսյանը և զանազան հայկական համայնքների ներկայացուցիչներ: Նիստի ժամանակ մասնակիցներն ամփոփեցին 2009 թվականի բասկետբոլի և ֆուտբոլի Համահայկական խաղերի արդյունքները և քննարկեցին 2011 թվականի մեծ Համահայկական խաղերի կազմակերպումը: Պետրոսյանի խոսքով, խաղերն օգնում են Հայաստանի ու հայկական սփյուռքի միջև կապերի զարգացմանը: «Մենք կփորձենք ամեն կերպ աջակցել 5-րդ Համահայկական խաղերի կազմակերպմանը: Դրանք պետք է ամենաբարձր մակարդակով անցկացվեն»,- ասաց նախարարը: Գրիգորյանը նշեց, որ երկրների աշխարհագրությունն ու մասնակիցների քանակը զգալիորեն աճել է այն ժամանակվանից ի վեր, երբ 1998թ. առաջին անգամ տեղի ունեցան Համահայկական խաղերը: «Առաջին խաղերին մասնակցում էին մարզիկներ 23 երկրների 64 քաղաքներից, իսկ 4-րդ խաղերին` 27 երկրների 94 քաղաքներից: Զարգանում են ոչ միայն հարաբերությունները զանազան համայնքների, այլև մասնակիցների միջև, զգացվում է հաղթելու ցանկությունը»,- ասաց Գրիգորյանը: