ՀՀ կառավարությունը և ՀԱՄՀ-ը ձեռնամուխ են եղել երկրում զբոսաշրջության զարգացման կարգավորմանը

PanARMENIAN.Net - AECOM-ի փոխնախագահ Քրիստոֆեր Չոան իր հերթին ասաց, որ տուրիզմի զարգացումը հարավային Հայաստանում կարևոր է այն տեսակետից, որ հաջողության դեպքում դա դրական ներդրումներ կգրավի դեպի մարզ, աշխատատեղեր կստեղծի: Բացի դրանից, նրա խոսքով, տուրիզմի զարգացումը կառավարությանն ու հասարակ մարդկանց հնարավորություն է ընձեռում պահպանելու սեփական ժառանգությունը:

AECOM-ի խորհրդատվական ծառայությունների համար Հայաստանի Ազգային մրցունակության հիմնադրամը 80 հազ. բրիտանական ֆունտ ստեռլինգ կծախսի:

Հայաստանի կառավարությունը նոյեմբերի 18-ի նիստում հավանություն է տվել «Միջպետական և հանրապետական նշանակության ավտոճանապարհներին հարող տարածքներում առևտրի և սպասարկման օբյեկտների նախագծային լուծումների կատալոգի ներդրման մասին» Հայաստանի Հանրապետության կառավարության որոշման նախագծին: Նախագծի մշակման անհրաժեշտությունը պայմանավորված է նշված տարածքներում իրականացվող անկանոն և տարաբնույթ կառուցապատումը կանոնակարգելու և քաղաքաշինական միասնական ճարտարապետական լուծումներով միջավայր ձևավորելու անհրաժեշտությամբ:

Ինչպես նշել է ՀՀ քաղաքաշինության նախարար Վարդան Վարդանյանը ճեպազրույցի ժամանակ, կատալոգում կներառվեն թվով 10 առևտրի և սպասարկման օբյեկտների նախագծային առաջարկներ` տեղական շինանյութերի կիրառմամբ, ճարտարապետահատակագծային սկզբունքային և ճակատների հնարավոր այլընտրանքային լուծումների դասակարգմամբ: Որոշման նախագծով առաջարկվում է Հայաստանի Հանրապետության մարզպետներին վերը նշված ավտոմայրուղներին հարող տարածքներում իրականացվող կառուցապատումն իրականացնելիս առաջնորդվել կատալոգում ներառված նախագծային լուծումներով: Վարդան Վարդանյանը հավելել է, որ արդեն գործող օբյեկտները չեն քանդվելու: Նման որոշումը հատկապես արդիական է Երևան-Սևան հատվածում:

Ըստ զբոսաշրջության զարգացման հայեցակարգի, նախատեսվում է մինչև 2030թ. զբոսաշրջիկների այցելությունների քանակը հասցնել 3 միլիոնի այսօրվա 600 հազարի փոխարեն, Երևանում կայացած մամլո ասուլիսում հայտարարել է ՀՀ էկոնոմիկայի նախարարության զբոսաշրջության և տարածքային տնտեսական զարգացման վարչության պետ Մեխակ Ապրեսյանը: Նրա խոսքերով, երկիրը շատ ավելի շուտ կհասնի այդ ցուցանիշին: «Ես հուսով եմ, որ առաջիկա տարիներին մենք կվերադառնանք երկրում զբոսաշրջության աճի մինչճգնաժամային ցուցանիշներին՝ 20-25 տոկոս, որը գրանցվել է 2001-2007թթ.: Ակնկալվում է նաև Իրանից և այլ երկրներից զբոսաշրջիկների հոսքի աճ, ինչին կնպաստի նաև «Տաթևի թևեր» նախագիծը»,-ասել է Ապրեսյանը:

Ըստ նրա, վերջին 2-3 տարում զբոսաշրջիկների հոսքը Իրանից Հայաստան աճում է՝ ընթացիկ տարվա հունվար-սեպտեմբեր ամիսներին ՀՀ այցելած 488 հազար զբոսաշրջիկներից 80 հազարը ժամանել էին Իրանից, ընդ որում, նախորդ տարի այդ ցուցանիշը կազմում էր 40 հազար:

Երևանի ու Դելիի միջև ուղիղ չվերթի բացումը նախադրյալներ ստեղծեց, որոնք անհրաժեշտ են Հայաստանի ու Հնդկաստանի միջև երկկողմ զբոսաշրջային կապի ստեղծման համար: Այդ մասին ասել է ՀՀ էկոնոմիկայի փոխնախարար Արա Պետրոսյանը և կոչ է արել Հայաստանի զբոսաշրջային գործակալություններին հաճախորդներին ուղևորություններ առաջարկել դեպի Հնդկաստան, որպեսզի հայ ժողովուրդն աստիճանաբար ինետգրվի համաշխարհային զբոսաշրջությանը:

Հայաստանում արտագնա զբոսաշրջության աճը 2010-ի հունվար-սեպտեմբերին կազմել է 15.6 տոկոս: 9 ամիսների ընթացքում Հայաստան է այցելել շուրջ 488 հազար զբոսաշրջիկ: