2016 թվականին Հայաստանում համախառն ներքին արդյունքը կազմել է 5,079 տրիլիոն դրամ՝ $3540 մեկ շնչի կտրվածքով։ Ազգային վիճակագրական ծառայությունը 2018 թվականից սկսել է հրապարակել երկրի ՀՆԱ ցուցանիշները՝ ըստ մարզերի։ Փորձնական հաշվարկն արտացոլում է մայրաքաղաքի ու մարզերի մակրոտնտեսական ցուցանիշների աղաղակող տարբերությունը:

Հայաստանում սպառողական շուկայում տարվա կտրվածքով մի քանի անգամ գնաճ է գրանցվում. թանկանում են սննդանթերքը, կենցաղային ապրանքները, կոմունալ ծառայությունները: Եթե 10 տարի առաջ երկրում նվազագույն սպառողական զամբյուղի արժեքը ամսական կտրվածքով կազմում էր 35.872 դրամ, ապա 2017-ի տվյալներով կյանքի նվազագույն պայմանները հոգալու համար մեկ ամսում ՀՀ քաղաքացուն անհրաժեշտ է 57.417 դրամ. ստացվում է 60%-ով ավելի շատ գումար է պետք քաղցած չմնալու, հագնվելու և կոմունալ ծառայությունների ծախսերը հոգալու համար, քան տասը տարի առաջ: PanARMENIAN.Net-ը ներկայացնում է, թե ինչ արժեին սպառողական ապրանքները 10 տարի առաջ և հիմա:

Հայաստանի 2018 թվականի պետբյուջեով գերատեսչությունների ներկայացուցիչների գործուղումների և շրջագայությունների համար 2,6%-ով ավելի շատ գումար է նախատեսվում հատկացնել, քան 2017 թվականին:

Օրերս «Վալլեքս գրուպ» փակ բաժնետիրական ընկերությունը հայտարարություն տարածեց, որ դադարեցնում է Լոռու մարզի Թեղուտի պղնձամոլիբդենային հանքավայրի շահագործումը: Գործունեության դադարեցման հստակ պատճառներ չէին նշվում: Հաղորդագրությունից միայն հստակ էր այն, որ ընկերությունը ձեռնպահ է մնում ներկա ծավալներով հանքավայրի շահագործումից մինչև արդյունահանման ծավալների ավելացման հարցի վերաբերյալ լուծումներ ստանալն ու դրանց կենսագործման վերաբերյալ որոշումներ կայացնելը։ Նշվում էր նաև, որ չեն կարողանալու իրենց մոտ 1200 աշխատողին ապահովել բավարար ծանրաբեռնվածությամբ աշխատանքով ու համապատասխան աշխատավարձով: PanARMENIAN.Net - ը թվերի տեսքով ներկայացնում է հասարակական մեծ դիմադրության արժանացած Թեղուտի հանքավայրի շահագործման մոտ 12 տարին:

Հայաստանի բարձրաստիճան պաշտոնյաները 2017 թվականին հնչեցրել են տնտեսական բարձր աճի, ՀՆԱ-ի մասին տարբեր կանխատեսումներ, եղել են հայտարարություններ տնտեսական հավակնոտ նախագծերի շուրջ տաբեր երկրների հետ գործակցության մասին: Ամփոփում ենք անցնող տնտեսական տարվա ոչ թե խոստումներն ու կանխատեսումները, այլ քիչ-շատ շոշափելի արդյունքերն ու ձեռքբերումները, ինչպես նաև անկումները, որոնք ուղղակիորեն ազդել են բնակչության կենսամակարդակի վրա:

Վրաստանն ընդգրկվել է Համաշխարհային բանկի Doing Business վարկանիշային աղյուսակի 10 լավագույն երկրների շարքում՝ զբաղեցնելով 9-րդ տեղը։

2018-ից ակադեմիական տարկետման իրավունքի վերացում նախատեսող «Զինվորական ծառայության և զինծառայողի կարգավիճակի մասին» օրենքն արդեն ազգային ժողովում է: Հասարակության որոշ շերտեր, հատկապես՝ ուսանողները, մտահոգված են, թե նոր օրենքը խանգարելու է երիտասարդներին Հայաստանում գիտությամբ զբաղվել:

ՀՀ հարկային ծառայությունը հրապարակում է 1000 խոշոր հարկատուների ցանկը` դասավորելով դրանց հերթականությունն ըստ մուծած հարկերի ծավալի: Ցանկում առաջատար դիրքերում գտնվող ընկերությունների մուծումների զգալի մասը, սակայն, անուղղակի հարկեր են` ԱԱՀ-ն ու ակցիզը, մաքսատուրքը, տարատեսակ այլ տուրքեր: Դրանք, վերջին հաշվով, իրականում վճարում է գնորդը, քանի որ ներառվում են ապրանքի վերջնական գնի մեջ:

ՀՀ վարչապետ Կարեն Կարապետյանը դեռ 2016-ի հոկտեմբերին հանձնարարել էր բոլոր գերատեսչությունների ղեկավարներին ներկայացնել առաջարկություններ իրենց կառավարման կառուցվածքը վերանայելու վերաբերյալ: «Օպտիմալացում բառը փոխարինում ենք կտրուկ կրճատում բառով, որպեսզի օպտիմալացումը տարբեր կերպ չմեկնաբանվի», - ասել էր վարչապետը: PanARMENIAN.Net-ը հավաքել է վերջին տարում ՀՀ-ում տեղի ունեցած կրճատումները:

ՀՀ կենտրոնական բանկի որոշմամբ, Հայաստանում կներդրվեն նոր՝ հիբրիդային (կամ կոմպոզիտային) թղթադրամներ: Այս առթիվ PanARMENAIN.Net-ը զրուցել է ՀՀ կենտրոնական բանկի դրամագետ Գևորգ Մուղալյանի հետ, որը պատմել է նոր դրամների առավելությունների մասին, ինչպես նաև՝ թե ինչու են դրանք ավելի դիմացկուն մաշվածության նկատմամբ: