Պետբյուջեի պահեստները թույլ կտան մեծացնել Հայաստանի դիմադրողականությունը 2009թ. մարտահրավերների հանդեպ23 ապրիլի 2009 - 17:28 AMT PanARMENIAN.Net - 2008թ. պետբյուջեում ձեւավորված պահեստները թույլ կտան մեծացնել Հայաստանի դիմադրողականությունը 2009թ. մարտահրավերների հանդեպ: «2008թ. պետբյուջեի կատարողականությունը կառավարությանը հնարավորություն տվեց ձեւավորել 2009թ. պահեստները, որպեսզի մեծացվի երկրի դիմադրողականությունը ժամանակակից մարտահրավերների հանդեպ»,- ասել է Հայաստանի վարչապետ Տիգրան Սարգսյանը հինգշաբթի օրը կայացած կառավարական նիստին:Ինչպես հաղորդել է կառավարության ղեկավարը, 2008թ. Ազգային Ժողովի կողմից հաստատված եկամուտների գծով 39 մլրդ դրամով ավել ծավալ էր հավաքվել, իսկ ընդհանուր հաժվին հաջողվեց կուտակել մոտ 77 մլրդ դրամ: «Այդ միջոցները մենք այսօր օգտագործում ենք` հաշվի առնելով, որ այս տարի համաշխարհային ֆինանսա-տնտեսական ճգնաժամն ուժեղ ազդեցություն ունի բյուջեի եկամուտային հատվածի վրա»,- ասել է Սարգսյանը: Այդ կապակցությամբ Սարգսյանը նշել է, որ այդ կուտակված միջոցները հնարավորություն կտան ամբողջությամբ կատարել սոցիալական պարտականությունների ծավալը, որպեսզի քաղաքացիները չզգան ճգնաժամի բացասական ազդեցությունը իրենց նպաստների եւ աշխատավարձերի ստացման վրա: Բացի այդ, վարչապետն ավելացրեց, որ անհրաժեշտ է լրացուցիչ ջանքեր գործադրել, որպեսզի խուսափենք խնդիրներից ընթացիկ տարվա երկրորդ կիսամյակում: 2008թ. վերաբերյալ բյուջեի իրականացման տարեկան հաշվետվության համաձայն, եկամուտային հատվածը կազմել է 785,3 մլրդ դրամ, ծախսայինը` 810,6 մլրդ դրամ, դեֆիցիտը` 25,2 մլրդ դրամ: Հայաստանի կառավարությունը հինգշաբթի օրվա նիստին հաստատել է Հայաստանի Ֆինանսների նախարարության հաշվետվությունը 2008թ. բյուջեի իրականացման վերաբերյալ, որն օրենքով սահմանված կարգով ընթացիկ տարվա մայիսի 1-ին պետք է ներկայացվի Ազգային Ժողով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները Անդրադարձ է կատարվել տարածաշրջանային թեմաներին ՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համար Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Միրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |