 Հայաստանը մտադիր է խորացնել փոխհարաբերությունները Թուրքմենստանի հետ 8 ապրիլի 2010 - 15:49 AMT PanARMENIAN.Net - Հայաստանի և Թուրքմենստանի միջև բարիդրացիական քաղաքական հարաբերությունները պահանջում են նաև տնտեսական հիմքեր, հայտարարել է Հայաստանի վարչապետ Տիգրան Սարգսյանը թեթև արդյունաբերության ապրանքների ցուցահանդես-վաճառքի բացման ժամանակ, որը տեղի է ունենում Երևանում հայ-թուրքմենական միջկառավարական հանձնաժողովի երկրորդ նիստի շրջանակներում: “Գաղտնիք չէ, որ վերջին շրջանում մեր փոխհարաբերությունները դինամիկ զարգանում են: Դրանք հիմնված են ավանդույթների վրա, որոնք մենք պարտավոր ենք պահպանել, զարգացնել և խորացնել”,- ասել է նա: Տիգրան Սարգսյանը նաև նշեց, որ Հայաստանի համար հետաքրքրություն է ներկայացնում Թուրքմենստանի թեթև արդյունաբերության բուռն աճն, ավելացնելով, որ երկու երկրների կառավարությունները պետք է ջանքեր գործադրեն տնտեսական համագործակցությունը խորացնելու և ընդլյանելու համար: Դրան նպաստելու են այն բոլոր պայմանավորվածությունները, որոնք ձեռք կբերվեն միջկառավարական հանձնաժողովի նիստի շրջանակներում, ինչպես նաև բացված ցուցահանդես-վաճառքը և բիզնես-ֆորումը: Վարչապետը հյուրերին բեղմնավոր աշխատանք մաղթեց և հավաստիացրեց, որ նպաստելու է երկրների միջև բարեկամական հարաբերությունների ամրապնդմանը:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Fastex-ը Երևանում է հյուրընկալում 5-րդ Harmony Meetup-ի web3 մասնագետներին  Պանելային քննարկումների կարմիր թելը «կենտրոնացած է ապակենտրոնացման» վրա«Ազատություն»․ ՀՀ-ն 10 մլն եվրո կստանա ԵՄ Խաղաղության հիմնադրամից՝ Հունգարիան հանել է արգելանքը Ավելի վաղ հայտնի դարձավ, որ Ադրբեջանին ևս 10 մլն եվրո կհատկացվի՝ ականազերծման համարԲաքուն «անհիմն և անարդար» է անվանել ԵԽ Խոշտանգումների կանխարգելման կոմիտեի հայտարարությունը Ըստ Բաքվի՝ Կոմիտեն աննախադեպ որոշում է կայացրել՝ հրապարակելով զեկույցն առանց Ադրբեջանի համաձայնությանUcom-ի գլխավոր տնօրենը մասնակցել է Silicon Mountains Shirak տեխնոլոգիական ֆորումին Յիրիկյանի ելույթի թեման էր «Մարդկայինը կամ թվայինը, ո՞րն է առաջնահերթ» |
